Matthieu 23:29 - Nouveau Testament en Gulay 2004

²⁹ Sei njékɔrgir gute-nduge se sei Pharisienge ke njékede gosge a an-in ɓai! Sei undei dè ɓade njéribe-dè-tàge ke tà Nube’t adi maje ndêi a, sei gɔli dè ɓade njé ra nyan se dè najennge adi tel maje pêt-pêt a tɔ.

Matthieu 23:29 Iomraidhean Croise

Matthieu 23:27

Sei njékɔrgir gute-nduge se sei Pharisienge ke njékede gosge a an-in ɓai! Sei tooi asinan se dè ɓadege ke dé ra ponron gidé nata d’ade ndai káng-káng. Nè kinge ninnge se nyange ke mine ke se ri de-ri de rusi kêm de ke kei njin-njin.

Matthieu 23:28

Sei géa, è titeke bè tɔ. Sei rai ra si ke njé ra nyan se dè najennge tàkum dooge’t, nè kede gos se nyan ra bann-bann rusu kêm si njin-njin.

Matthieu 23:30

Ɓaa sei tami edi nè: «Kêm ndɔnge’t le kà jége nga, ke nè á ndɔ ke jè se de nan’t ɓaa, j’à j’um nan’t se de dè tɔl ke dé tɔl njéribe-dè-tàge ke tà Nube’t nga lé.»

Nyanra Njekawkulege 2:29

Pierre tel tam ede nè: – Ngakonmge se kon nannemge, adi m’ede sei tà ke ɔje dè njèyo kà jéi David nga ndàt m’ade ooi. E wei ade ndɔ ke dé dubu’n. Dè ɓade’n tò dann jéi’t laa sár tee kêm ndɔ ke ɓila ɓai.