Matthieu 23:16 - Nouveau Testament en Gulay 2004

¹⁶ Sei njékɔr non dooge nè sei njékumtɔge, a an-in ɓai! Kerɔte kuwe, sei tami edi nè: «Ke nè á doo ubu ra’n se ri loo ke tò se ninn’n gai ɓaa, sei tami edi nè: E nyan ke get lé ɓai. Nè ke nè á doo ubu ra’n se ri nar-ɔr le loo ke tò se ninn’n gai ɓaa, sei tami edi nè: Kure nain dènn’t ɓai.»

Matthieu 23:16 Iomraidhean Croise

Matthieu 15:14

Inyei de! tede dé njékumtɔge ke njékɔr non njékumtɔ made dege. Ke nè á njèkumtɔ ɔr non njèkumtɔ made’n ɓaa, ei joo mbak à osoi kêm bolè’t.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 23:17

Sei njé kêm tɔ kuju tà lége ke njékumtɔge, ké ri á è nyan ke bòi dum dè made’n wa?

Matthieu 23:19

Sei njékumtɔge, ké ri á è nyan ke bòi dum dè made’n wa? Ké è nyan kade noje éké loo ró nyankuje-mese ke unde nyan kade noje se ninn’n gai nga wa?

Matthieu 23:24

Sei njékɔr non dooge nè sei njékumtɔge! Sei ndeein mann ɔgi ngann mann kaw kêm si’t, nè sei uri lugman kêm si’t mban.

Matthieu 23:26

I Pharisien ke njèkumtɔ: I togo kêm nyankain mann se nyankuse nyan ade unju kété ɓita i togo gide de ade unju ɓai.

Nje Ke Galatie 5:3

M’tel m’ede sei tà nè nga ndàt kuwe ɓai. Doo ke rara ke ade d’uje tà mɔte’n ɓaa, gar-gar à ra nyange ke gute-ndu ɔje nga bere mbak se ndɔ’n-ndɔ’n.

Jacques 5:12

Ngakonmge, gar-gar ebi ra si kubu ra si se danran éké se nang nè éké se nyan karé ke rang lé. Nè maje kade ke nè á edi nè oiyo ɓaa, è oiyo go karé; ke nè á edi nè ḿ-m̀ ɓaa, è ḿ-m̀ kuwe go karé. I rai titeke bè ɓaa, Nube à gangtà dè si’t lé.