Matthieu 23:14 - Nouveau Testament en Gulay 2004

¹⁴ Sei njékɔrgir gute-nduge se sei Pharisienge ke njékede gosge nga, a an-in ɓai! Sei tosoi kêm kei le njékei-kingege, i kotoi nyange le de malang awi i tuji. Taɓai sei ndai ke loon’t nè ɔji tà se Nube adi kur si heb ɗak tede libe’n kum de. Gir’n ke né á tà ke d’a gang dè si’t ndɔ gangtà’t nga, a tur ngain dum le njé ke rang malang.]

Matthieu 23:14 Iomraidhean Croise

Matthieu 11:24

Gir’n ke nè á man m’ede sei ndàt, ndɔ gangtà’t nga tà ke Nube à gang dè si’t à tur ngain dum le njé ke ɓee-bò ke Sodome ɓai.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 23:33

Sei i tooi asinan se li jênênnge, tà ke d’a gang dè si’t dann loo ke tur’t nga, ké à nal sei titeke bain wa?

Marc 12:40

Ei njé táa nyange le dinye ke njékei-kingege ndát-ndát a, ɔji tà se Nube adi kur de heb ɗak tede le libe’n kum dooge. Dé nè nga, ndɔ gangtà’t ɓaa, Nube à gangtà ke bòi dum madege dè de’t.

Tà ke Maje ke Luc ndang 12:48

Nè ngonn njèndi ke ger nyan ke kuwe’n ndige lé nga, ke nè á ra nyan ke kum kade d’unde’n ngain géa, d’a d’unde’n ase loon’t bè. Nanan ke d’ade’n nyan ngain ɓaa, d’a tel deje’n go ngain tɔ. Nanan ke d’um nyan jinn’t ngain ɓaa, d’a deje’n go ngain tɔ.

Tà ke Maje ke Luc ndang 20:47

Nè kêl karé dé njétoso kêm kei le njékei-kingege koto nyange le de ndát-ndát a tɔ. D’ɔje tà se Nube d’ade kur de heb ɗak le taa’n kum dooge. Dé nè nga tà ke d’a gang dè de’t ndɔ gangtà’t nga à dum dè le dooge ke rang malang.

2 Timothee 3:6

Njé ke nange dann de’t ei njé toso kem̂ keige le libe kum dinyege ke njé kem̂ mɔrége. Dinyege nè nga kaiya taa ra de pel-pel a, ngur nyange gai-gai ndɔri de a tɔ.

Tite 1:10

Ɗarinè, njékaltàge se njé kɔje tàge ke raikarè se njé libe kum dooge bulei ngain dann Juipge ke njétaakem̂-Kristge kuwe mbain.

Jacques 3:1

Ngakonmge, è soo’t kade dooge bule teli ei njé ndó nyan made dege lé. Sei geri mbak titeke tà ke d’a gang dè jéi jèi njéndó nyan made jéige’t nga à tur ngain dum le dooge ke rang.

2 Pierre 2:14

Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

2 Pierre 2:3

D’a gol dè tàge gai-gai le libe’n kum si. D’a ra titeke bè tede kite’n dè si’t se go ngur nar ke ra de. Nè tà ke dé gang dè de’t mari bere nga, kure’n à ɔde kum de m tuju inye go de lé sár.