Matthieu 23:13 - Nouveau Testament en Gulay 2004

¹³ Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 23:13 Iomraidhean Croise

Matthieu 23:16

Sei njékɔr non dooge nè sei njékumtɔge, a an-in ɓai! Kerɔte kuwe, sei tami edi nè: «Ke nè á doo ubu ra’n se ri loo ke tò se ninn’n gai ɓaa, sei tami edi nè: E nyan ke get lé ɓai. Nè ke nè á doo ubu ra’n se ri nar-ɔr le loo ke tò se ninn’n gai ɓaa, sei tami edi nè: Kure nain dènn’t ɓai.»

Matthieu 23:23

Sei njékɔr gir gute-nduge se sei Pharisienge, a an-in ɓai! Sei ugei dime mbi targe ke ri de nè menthe se fenouil, se cumin a tɔ. Nè nyan ke bò ngain ke gute-ndu ɔje ke tite nyanra ke se dè naje’n, se kêmkanm se kundekêm a tɔ nga ɓaa, sei dannii undeii ngangé karè. Dége nè nga, dé nyange ke né gar-gar a i rai de kété anje kin bal dè gute dege ke rang.

Matthieu 23:25

Sei njékɔrgir gute-nduge se sei Pharisienge ke njékede gosge a an-in ɓai! Sei togoi gide nyankain mannge se nyankuse nyange le si adi d’unju nyan-nyang. Nè ngur banm dooge se kêmkein rusu kêm si njin-njin.

Matthieu 23:27

Sei njékɔrgir gute-nduge se sei Pharisienge ke njékede gosge a an-in ɓai! Sei tooi asinan se dè ɓadege ke dé ra ponron gidé nata d’ade ndai káng-káng. Nè kinge ninnge se nyange ke mine ke se ri de-ri de rusi kêm de ke kei njin-njin.

Matthieu 23:29

Sei njékɔrgir gute-nduge se sei Pharisienge ke njékede gosge a an-in ɓai! Sei undei dè ɓade njéribe-dè-tàge ke tà Nube’t adi maje ndêi a, sei gɔli dè ɓade njé ra nyan se dè najennge adi tel maje pêt-pêt a tɔ.

Matthieu 3:7

Loo ke Jean an Pharisienge se Saddusienge bule reei rann’t le kade ule de manné njonm ɓaa, è tam se de ede nè: – Sei ke i tooi asinan se li jênênnge, ké nan tɔje sei rebe kan-in wong le Nube ke ndi à ree nga wa?

Tà ke Maje ke Luc ndang 11:52

Sei njékɔrgir gute-nduge, a an-in ɓai! tede sei ɔri lakêlé tà rebe nyanger ke ɔje dè Nube nga ji si’t. Sei géa ilei nja si tu rebe’t nè nga lé a, njé ke ndigi kawi se rebe nè nga géa, ɔgi de a tɔ.

Jean 9:22

Njékojennge tami titeke bè tede ei ɓeli Juipge. Juipge nga umi tà le de nan’t kété edi nè: Nanan ke tam ndàt titeke Jésu nga è Krist ɓaa, j’à rɔi nin kɔke kêm kei kebe nan’t.

Jean 9:24

Pharisienge tel ɓari doo ke kété è njèkumtɔ nga dejii tà nja karé ɓai edi nè: – I tam kerɔte non Nube’t. Dingem nè nga, jè ɓaa jè ger titeke è njè ra majelé.

Jean 9:34

Pharisienge in-in se doo ke ndɔ ke è njèkumtɔ nga edi nè: – I ke d’oji dann majelé’t bere mbak taa i ndige le tel k’ee njè ndó jè nyan wa? Ke loon’t nè dé rɔ’n kêm kei kebe nan’t d’ile’n nata.

Nyanra Njekawkulege 13:8

Bar-Jésu ke njè mbeli nga ri’n karé ke rang ke se tà Grec è Elimas. E ute Barnabas se Saul mbeng tede è sang rebe le kɔge njèkonɓee kunde kêm’n dè Jésu’t.

Nyanra Njekawkulege 5:28

– Ké kété j’unn ndu jé le kade i ndói dooge nyan se ri doo nyan le doo nga njing lé wa? An-in! nyan-ndó le si ke sei ndói dooge nga taa kêm ɓee-bò ke Jérusalem pel-pel. Ké sei ndigi kade tà mese doo nyan le doo nga uwe de jé jè ta wa?

Nyanra Njekawkulege 5:40

Njégangtàge teli ɓari njékawkulege adi d’unde de se ndêin maru, taɓai ei unni ndu de ade njékawkulege le kade tami tà se ri Jésu nè nga lé njing ɓita inyei de adi awi ɓai.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.

2 Timothee 3:8

Dooge nè nga utei ngarankum tà mbeng titeke ndɔ ke Jannès se Jambrès utei Moise mbeng nga tɔ. Dé dooge ke tàgir le de majelé a, kundekem̂ le de géa unde ɓalè a tɔ.

2 Timothee 4:15

I géa, an’n maje tede è ute tàge le jéi mbeng-mbeng kɔke.