Matthieu 22:40 - Nouveau Testament en Gulay 2004

⁴⁰ Ndukunnge ke joo nè nga ei gir gute-ndu bere mbak ke Moise ndang a, se magtubge le njéribe-dè-tàge ke tà Nube’t a tɔ.

Matthieu 22:40 Iomraidhean Croise

Matthieu 7:12

Nyan malang ke sei i ndigi kade dooge ke rang rai tede le si nga, sei géa i rai titeke bè tede le de tɔ. E ke nè á è tà ke ndɔ ke Moise se njéribe-dè-tàge ke tà Nube’t ndooi dooge.

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Nje Ke Rome 13:9

Ndukunnge ke sei i geri ɓá nga tami edi nè: «I a sang dinye éké dingem ke rang lé, i a tɔl doo lé, i a ɓoge lé, i a ra kêmkein dè nyan’t le doo lé.» Ndukunnge nè se gutege ke nain-in nga, d’oré de nan’t loo karé d’ede nè: «I a tár doo madi titeke i tár’n danrai i kuwe bè tɔ.»

Nje Ke Galatie 5:14

Ke nè á sei rai titeke bè ɓaa, a i rai gute-ndu nga kade maje ɔr njêt. Tede gute-ndu bere mbak nga d’oré nan’t d’ade è ndukunn ke karé bere d’ede nè: «I a tár doo madi titeke i tár’n rai i kuwe bè tɔ.»

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

Jacques 2:8

Kerɔte kuwe, gute-ndu ngar ke dé ndang kem̂ Magtub’t d’ede nè: «I tár doo ndul madi titeke i tár’n danrai i kuwe bè» nga, ke nè á i rai ɔri son’n njêt ɓaa, sei rai maje.