Matthieu 22:3 - Nouveau Testament en Gulay 2004

³ E ule ngann njéndige le’n ade awi edi njé ke ndɔ ke è ɓar de loo mur tête tà ɓee’t nè nga. Nè dé ndige ree lé.

Matthieu 22:3 Iomraidhean Croise

Matthieu 21:34

Loo ke nan kuje kann nduu ase ɓá ɓaa, è ule ngann njéndige le’n ra njéra kule ndɔr nduuge’t le kade adi nin kann nduu ke ɔje dè’n.

Matthieu 23:37

Sei dooge ke i ndii kêm ɓee-bò ke Jérusalem, sei ke njé tile dooge ke Nube ule de ra si’t se kuberi her tɔl de. Dɔ-dɔ, m’ndige kɔse nja si nan’t titeke kon kunje kebe’n ngann’n gir bagenn’t, nè sei ndigi kinyei man kade m’ra titeke bè lé.

Matthieu 3:2

– I turi hal si tede Konɓee ke danran nain ngɔr ta.

Matthieu 9:15

Jésu tel deje de ede nè: – Njètaa dinye kige nga, loo ke madennge ei se’n ɓai nga, ké asi ndii dann nyantosowur’t wa? Nè ndɔ ke d’a d’uwe njètaa dinye kige nè wont kɔr’n dann de’t ɓita d’a kɔge kêm de ɓo ɓai.

Tà ke Maje ke Luc ndang 13:34

Sei dooge ke i ndii kêm ɓee-bò ke Jérusalem, sei njé tile njéribe-dè-tàge ke Nube ule de ra si’t se kuberi her tɔl de. Dɔ-dɔ m’ndige le kɔse nja si nan’t titeke kon kunje kebe’n ngannenge gir bagenn’t bè. Nè sei ndigi kinyei man kade m’ra titeke bè lé.

Tà ke Maje ke Luc ndang 15:28

Loo ke ngonn ke ngatɔg oo tà nè nga bè ɓaa, è ra wong ndige le tel kile nja’n kêm kei lé. Nè bɔ’n unde loo tee aw ndête’n le kade tel ree kêm geng’t.

Tà ke Maje ke Luc ndang 19:27

Njébange le’m ke ndigi kade m’on de lé nga, i tuwei de i reei se de ndá’t, i tɔli de tàkum’t nè.

Jean 5:40

Nè sei ndigi reei ram’t le kinge’n ndikumgajer se non nga lé.

Nyanra Njekawkulege 13:45

Njé ke reei le kooi tà bulei ngain. Loo ke Juipge an-in kosdoo-bulege nè nga bè ɓaa, jang unn gir ra de. Gir’n ke nè á, d’ute’n tàge le Paul mbeng-mbeng a, dé taje’n a tɔ.

Nje Ke Rome 10:21

Nè Nube tam tà ɔje’n dè kosdooge ke ɓeekon ke Israel ede nè: «Se ndɔge malang, m’ule ji’m njung ke ra kosdooge ke njé dum nange se njé kute tà mbeng-ge se ndɔgé sár loo sɔlé.»

Hebreuge 12:25

Kem̂ si dè ra si’t nè bainléa a kin-in mbati kooi tà tà Nube ke ndi ede sei tà’t nga. Kosdooge ke Israel ke ndɔ ke mbati kooi tà tà Moise’t ke njè kede de tà dè nang nè nga, ndɔ ke d’ade kure nyan ra de ɔde kum de. Jèi ɓaa, Nube ndi danrán nú á ede’n jèi tà. Jèi géa, ke nè á jè mbati kooi tà tànn’t ɓaa, kure nyan ra jéi à ɔde kum jéi dum le de ei nè ɓai m loo naje’n goto.

Hebreuge 9:15

Gir’n ke nè á Krist ee’n njè nda dann dooge se Nube ɔje’n dè mann-ra ke kige nè nga. E wei uge dè dooge ke ali tà kété mari gir mann-ra ke desêin’t. Titeke bè á dooge ke Nube ɓar de à asi kingei nyan-majege ke tooi se non ke ndɔ ke è unn’n ndu’n le kade de nga.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.