Matthieu 22:29 - Nouveau Testament en Gulay 2004

²⁹ Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Matthieu 22:29 Iomraidhean Croise

Matthieu 22:28

Ndɔ ke dooge à undei loo teei koo nga ɓaa, ké nan á à è ngaw dinye nè ke get dann de’t wa? Kerɔte kuwe, dé ji sejimute mbak dé taa’n ke neen de.

Marc 12:24

Jésu ede de ndàt ede nè: – Sei geri Magtub le Nube lé a, tɔgmong le’n lé a tɔ. Gir’n ke nè á in-in ilei tà kɔke salang. Ké è bè lé wa?

Tà ke Maje ke Luc ndang 1:37

Tede tɔgmong le Nube asekum ra nyan malang.

Jean 20:9

Magtub ke tò se ninn’n tam kété mari ede nè: Jésu à unde loo tee dann njé ke koo’t gar-gar. Sár ɓila njékuwe-gir-Jésuge geri gir tà nè njai lé ɓai.

Nyanra Njekawkulege 26:8

Kunde ke Nube à ade dooge à undei loo teei dann njé ke koo’t nga, ké è tede ri á sei Juipge umi kêm si dè’t lé sár wa?

Nje Ke Rome 15:4

Nyange malang ke dé ndang tà’n kêm magtub’t kété mari nga, dé ndang de le ndó’n jèi nyan. Magtub ke tò se ninn’n ndó jèi korè tà njak se sɔlkêm ke j’ingei tà’n kêm Magtub’t le Nube tede kade j’undei kêm jéi tchên ke dènn’t.

1 Nje Ke Corinthe 15:34

Adi tàgir le si gang tchat. E ke nè á è nyan ke sêw ke kum ra. Ebi ra si ra majelé se ndɔge malang. Kerɔte kuwe, njé ke nange dann si’t geri Nube lé. M’tam bè m’ile’n rasɔl dè si’t.

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.