Matthieu 22:22 - Nouveau Testament en Gulay 2004

²² Loo ke d’oo tà nè nga bè ɓaa, tà ige de sêl ade d’inye Jésu d’in mênênn-mênênn d’aw loo le de.

Matthieu 22:22 Iomraidhean Croise

Matthieu 10:16

An-in! man m’ule sei titeke doo ule’n batege dann bise-kɔrge’t bè. Undei kumkunju dè ra si’t asenan se lige bè a, adi kêm si nda káng-káng tite der-ndage bè a tɔ.

Matthieu 22:33

Loo ke kosdoo-bulege ooi tà nè bè ɓaa, ndil de tee an-in soin-soin dè tà ke Jésu ndó de’t.

Matthieu 22:46

Doo bè karé géa asekum kile Jésu dè tà’t nè nga lé. Unn gir kêm ndɔn’t nè nga, doo karé bè géa ndige tel deje’n tà gugu lé ta.

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Marc 12:12

Njékɔr non Juipge geri titeke Jésu tam gostà nè ɔje’n dè de. Ei sangi le kade d’uwe’n, nè ɓeli kum doobulege ɓaa, ei inyei nin ɔti awi.

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Nyanra Njekawkulege 6:10

Nè ei asikum naji se’n tà dum lé tede è tam tà se go kumkunju ke Ndil-Kêmnda ade’n.

Nje Ke Colosses 4:6

Maje kade tà tam si è ke maje se ndɔge-ndɔge a, kade tà si tee se tà nelge dɔ-dɔ a tɔ. Titeke bè á sei a geri loo kile nanan géa dè tà’t se go rebe’n.