Matthieu 22:21 - Nouveau Testament en Gulay 2004

²¹ Dé tel d’ile’n dè’t d’ede nè: – Dè doo nè nga, è dè ngar ke bò César a, ri doo nè nga géa è ri César a tɔ. Jésu tel ede de ede nè: – Adi César nyan ke ɔje dè’n a, nyan ke ɔje dè Nube ɓaa, adii a tɔ.

Matthieu 22:21 Iomraidhean Croise

Matthieu 22:20

Jésu deje de ede nè: – Ké dè nan éké ri nan dé ndang tu sile’t nè nga wa?

Matthieu 22:37

Jésu tel ile’n dè’t ede nè: «Gar-gar i a tár Kuwe-ɓee Nube lei nga dè ɓengrei’t se danrai bere mbak a, se tàgir lei bere mbak a tɔ.»

Matthieu 4:10

Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

Marc 12:17

E á Jésu tel ede de ede nè: – Nyan ke ɔje dè ngar César ɓaa i teli adi ngar César, nyan ke è le Kuwe-ɓee Nube ɓaa i teli adi Kuwe-ɓee Nube a tɔ. Tà ige de sêl dè tà ke è tam’t.

Tà ke Maje ke Luc ndang 20:25

Jésu tel ede de ede nè: – Né è bè ɓaa, adi ngar César nyan ke ɔje dè ngar César a, adi Nube nyan ke ɔje dè Nube a tɔ.

Tà ke Maje ke Luc ndang 23:2

Ke loon’t nè kuwe d’unn gir tête tà kunde tànn’t d’ede nè: – Doo nè nga j’inge’n dè ndi ke è ndi tur kum kosdooge le jé. E ede de le kade d’ɔge tir ngar César. Taɓai è ede nè: nè kuwe karé bere n’ee Krist ngar ke Nube ule se’n ade jéi.

Nyanra Njekawkulege 4:19

Nè Pierre se Jean ilei de dè’t edi nè: – Ké kile koje dè tà’t le si sei á maje dum kile koje dè tà’t le Nube wa? Sei kuwe i giri maje an-in.

Nyanra Njekawkulege 5:29

Nè Pierre se njékawkulege madennge ilei de dè’t edi nè: – Gar-gar kile koje dè Nube’t è soo’t dum kile koje dè dooge’t.

Nje Ke Rome 13:7

Nanan géa adii nyan ke ɔje dè’n-dè’n: Adi tir njètaa tir; adi njè dè nang, nyan dè nang; ilei koje dè doo ke asekum kade ilei koje dènn’t; ilei riɓar dè doo ke asekum kade ilei riɓar dènn’t a tɔ.