Matthieu 22:19 - Nouveau Testament en Gulay 2004

¹⁹ Ɔji man sile ke d’uge’n tir nga adi m’an. Dé ree se sile nar kule ke ndɔ karé dé tɔje’n.

Matthieu 22:19 Iomraidhean Croise

Matthieu 17:25

Pierre ede de ede nè: – Oiyo, à uge kuwe. Loo ke è tel aw kêm kei ɓaa, Jésu unn tà kété deje’n ede nè: – Simon, ké tàgir lei è bain dè tà’t nè wa? Ngarge ke dè nang nè nga, ké nanange á tanni nyan éké taai tir ji de’t wa? Ké tanni nyan éké taai tir ji ngann njéɓeege éké ji dooge ke dɔ’t wa?

Matthieu 18:28

Loo ke ngonn njèndi nè unde loo tee nata ɓaa, è dar njèmade kule le’n karé ke kure le’n tò dènn’t asekum nar kule ke ndɔ aru karé deĵ. E oso kɔbenn’t uwe’n ade kum’n nda ngengeng. E ede’n ede nè: «Gar-gar, uge’m kure le’m ke tò dèi’t nga ɗarinè kuwe.»

Matthieu 20:2

E ɔje se de sile karé kêm ndɔ karé. Loo ke njékulege ndigi se’n dè’t ɓá ɓaa, è ule se de kêm ndɔr nduu’t le’n.

Matthieu 22:18

Nè Jésu ger kêmyêr le de mbak ɓá. E tam se de ede nè: – Sei njékede gosge, ké bain á uyei gum nonm’t wa?

Matthieu 22:20

Jésu deje de ede nè: – Ké dè nan éké ri nan dé ndang tu sile’t nè nga wa?

Marc 12:16

Dé ree se nar kule ke ndɔ karé nga d’ade Jésu an. E deje de ede nè: – E ndil dè doo se ri doo ke dé ndang tu sile’t nè nga, ké ɔje dè nan wa? Dé tel d’ile’n dè’t d’ede nè: – E ndil dè César a, è ri César a tɔ á dé ndang tutu.

Lookilera’n 6:6

M’oo ká nyan ɓar asenan se ndu doo dann nyankundege ke sɔ’t tam ede nè: «Ko têl kem̂ ngonn nyan-mbɔje nyan karé bere kuwe à è kum nar kule ke ndɔ karé. Ko gɔje kem̂ ngonn nyan-mbɔje nyan mute bere kuwe à è kum nar kule ke ndɔ karé tɔ. Nè wubu se yibe ndu ɓaa, i tuji de kɔke lé.