Matthieu 22:16 - Nouveau Testament en Gulay 2004

¹⁶ Pharisienge ɔri pajage le de se njé le Hérode ulei de ra Jésu kade deji nin edi nè: – Njèndó dooge nyan, jè ger titeke i i njè kusu dè tà lé a, rebe nyange ke Nube ɔje ke i ndó dooge nga è ngarankum tà kerɔte kuwe. I i njè ndête kum doo karé bè tede nyankinge’n éké tede girkoje le’n lé a tɔ.

Matthieu 22:16 Iomraidhean Croise

Matthieu 22:24

– Njèndó dooge nyan, ndɔ ke Moise tam ede nè: «Ke nè á dingem se dinye taai nan, nè oji ngonn ke dingem lé ɓai á dingem wei ɓaa, maje kade ngokon’n ke ndêin taa dinye nè unde’n gute ngokon’n ke wei.»

Matthieu 22:26

Nè ngokon’n ke girn’t nga géa wei nal koje ngonn ke dingem tɔ. Njèkon de’t mute géa, è titeke bè tɔ sár tee’n dè njèkon de’t ji sejimute.

Matthieu 26:18

Jésu tel ile de dè’t ede nè: – Ɔti awi kêm ɓee-bò’t kêm kei le doo karé edi nin edi nè: «Njèndó dooge nyan tam ede nè: Ndɔ le’m nain ngɔr. Man se njékuwe-girmge j’à j’use mapa ke ɔje dè nan Paque nga kêm kei lei.»

Matthieu 26:49

Ke loon’t nè kuwe, Judas aw ngɔr ke ra Jésu’t ede nè: – Lapya ngar. E ra’n lapya a, uwe’n kàdenn’t sêm a tɔ.

Marc 10:17

Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Marc 12:13

D’ɔr Pharisienge se pajage le Hérode Antipas ke nange d’ule de ra Jésu’t le kade uwei nin se tà se go tà ke à tee tànn’t.

Marc 12:14

Ei reei rann’t edi nin edi nè: – Ngar, jè ger titeke i njè tam ngarankum tà kuwe. I njè ndête kum doo lé a, i njèkɔr kum doo lé a tɔ. I ndó dooge ngarankum nyan ke Nube ɔje a tɔ. Kuge tir le ngar ke bò César nga, è loon’t lé wa? Gar-gar, j’à j’ugei éké j’à j’ugei lé wa? Ede jè.

Marc 3:6

Ke loon’t nè kuwe, Pharisienge undei loo teei kêm kei kebe nan’t teei awi ɔri nan tà se pajage le ngar Hérode Antipas dè rebe ke ayé tɔli Jésu.

Marc 8:15

Jésu ndeje njékuwe-girnge ndej-ndej ede nè: – Undei kumkunju dè ra si’t le gang kɔte pululu’t le Pharisienge éké le Hérode Antipas nga lé.

Tà ke Maje ke Luc ndang 20:21

Njéra gosge nè nga deji Jésu edi nè: – Njèndó dooge nyan, jè ger titeke tà tami se nyan ke i ndó dooge è se dè naje’n kuwe. Jè ger mbak titeke i ndête kum doo karé bè tede nyankinge’n éké girkoje le’n lé. Nè tà ke i ndó dooge ɔje dè rebe ndikumgajer le Nube nga è ngarankum tà kuwe.

Tà ke Maje ke Luc ndang 7:40

Jésu ger tàgir le Simon ke kêmn’t mbak. E ede’n ede nè: – Simon, m’aw ndoo kedi tà karé. Simon tel ile’n dè’t ede nè: – Njèndó dooge nyan, m’ur mbi’m le koo’n tà ke ayé tam nga.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

2 Nje Ke Corinthe 2:17

Jè jè njé tel Tà le Nube ke nyan gate tite njé ke nange bule rai nga lé. Jè nga, jè dooge ke j’um nan’t bɔk se Krist. Gir’n ke nè á, Nube ade j’ile’n mber j’ade sei se kêmnda káng nonn’t.

2 Nje Ke Corinthe 4:2

Jè mbate nyan rasɔlge ke ra se go ngein. Jè ra nyan karé le libe’n kum doo lé a, j’ur mann dann tà’t le Nube lé a tɔ. Nè jè tee se ngarankum tà j’ade tò nata ndái-ndái a, j’ɔrgir ra jé njai j’ade dooge malang geri se kêm de non Nube’t a tɔ.

2 Nje Ke Corinthe 5:16

Unn gir ɗarinè nga, jè ger doo se go danra lé ta. Ke nè á kété jè ger Krist se go danra ɓaa, ɗarinè jè ger’n se go danra titeke bè lé ta.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

Nje Ke Galatie 2:6

Njé ke d’an de ke dooge ke bòi nonm’t kété nga usu’m nyan karé dè de’t lé. Nube nga è njè ndête kum doo karé bè lé. Njé ke d’an de ke dooge ke bòi nga, dé ndoo’m nyan ke kige karé bè lé.

1 Nje Ke Thessalonique 2:4

Nè Nube ter jè njúng ɓita um kule kile mber Tà ke Maje le’n nga ji jé’t ɓai. Jè j’ile mber Tà ke Maje tede taa’n kum dooge lé, nè le taa’n kum Nube ke njè ter ɓengre jé.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.