Matthieu 22:11 - Nouveau Testament en Gulay 2004

¹¹ Loo ke ngar aw kêm kei le kan dooge ke è ɓar de nga ɓaa, an dingem karé ke ule kubu ra nan rann’t lé.

Matthieu 22:11 Iomraidhean Croise

Matthieu 13:30

Inyei de adi d’oje nan’t joo mbak sár ndɔ sa ko’t. Kêm ndɔn’t nè ɓita, man kuwe m’a m’ede njésa koge kede nè: I rein-in jer, i tɔi ɗàp-ɗàp le ró pa ɓita ɔsi nja ko nan’t umi damé le’m ɓai.»

Matthieu 22:10

Ngann njéndige nè nga ɔti awi se ngann rebege gai-gai kebi njé ke majelé se njé ke majege malang ke ingei de nga reei se de ade rusi loo kêm kei nè nga táp-táp.

Matthieu 3:12

Doo nè nga, kéee le’n è jinn’t. A ɔi kêm gar le’n ndát-ndát a, a ɔse nja ko le’n nan’t kêm dam’t a tɔ. Nè a ró tise ko se por ke doo ase tɔl ndan lé.

Nje Ke Rome 13:14

Nè i teli i ndaji kum Kuwe-ɓee Jésu-Krist. Inyei ra si adi ngur nyange le danra ndɔr sei aw se si loo nyanra ke majelé’t lé ta.

Nje Ke Rome 3:22

Nube ɔr tà dè dooge’t malang tede kêm de ke undei dè Jésu-Krist’t, m ɔr kum doo karé dann de’t lé.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

2 Nje Ke Corinthe 5:3

Ke nè á jè ndi kêm kei ke danrán’t nè nga ɓaa, Nube à inge jèi ra jéi karè lé.

Nje Ke Galatie 3:27

Sei malang d’ulei sei manné njonm se ri Krist nga, sei teli taai nan se Krist.

Nje Ke Ephese 4:24

Doo ke kige ke è kum gute tà Nube nga, ulei ra si’t. Doo nè nga ngarankum tà tel’n ke njè ra nyan dè dè naje’n a, ke doo ke tò se ninn’n a tɔ.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»

Lookilera’n 19:8

Njènong le Ngonn bate nga d’ade’n kubu ke sɔl lom-lom, ke nda káng-káng a, ke unju nyang-nyang a tɔ, d’ade ule rann’t. Kubu ke nda káng-káng nè nga ei nyanrage ke se dè naje’n le dooge le Nube ke tooi se ninn de.»

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.

Lookilera’n 3:18

M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.