Matthieu 21:46 - Nouveau Testament en Gulay 2004

⁴⁶ Ei sangi le kuwei Jésu nè ei ɓeli kum kosdoo-bulege tede an-in nin ke njèribe-dè-tà ke tà Nube’t.

Matthieu 21:46 Iomraidhean Croise

Matthieu 21:11

Njé ke nange dann doobulege’t nè tami edi nè: – E Jésu njèribe-dè-tà ke tà Nube’t ke ɓee ke Nazareth ɓeekon ke Galilée.

Matthieu 21:26

A ke nè á j’edi nè: «Gir’n in ra dooge’t» ɓaa, a in-in se jéi se tà tede dooge malang an-in Jean ke njèribe-dè-tà ke tà Nube’t.

Matthieu 21:45

Loo ke maw njékuje nyan-mesege se Pharisienge ooi gostàge nè bè ɓaa, kum de gang reng ade geri titeke Jésu tam tà nè ɔje’n dè de.

Matthieu 22:1

Jésu tel ede doobulege tà se gostàge ede nè:

Marc 11:18

Maw njékuje nyan-mesege se njékɔrgir gute-nduge ooi sertà nè. Ei sangi ké se rebe ke ra n’a tɔli Jésu wa? Nè dé ɓel’n tede doobulege malang nga, ndil de tee an-in soin-soin dè nyan ke è ndó de se ndɔge-ndɔge.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Tà ke Maje ke Luc ndang 7:39

Loo ke Simon ke njè ɓar Jésu nga an nyan nè nga titeke bè ɓaa, è girtà kêmn’t ede nè: – Ke nè á dingem nè è njèribe-dè-tà ke tà Nube’t kerɔte ɓaa, ayé ger titeke dinye ke ɔde ra’n nè nga, è dinye ke d’an’n ke kaiya-dinye kuwe.

Jean 7:30

Loo ke Jésu tam tà nè titeke bè ɓaa, dé sang le kuwe’n, nè doo karé bè géa ule ji’n ɔde’n lêm lé tede kàde le’n nain ɓai.

Jean 7:7

Sei ɓaa, dooge ke dè nang nè asikum kɔr sei njêt lé, nè man ɓaa dooge ke dè nang nè ɔri man njêt tede kɔr ke m’ɔr gir nyanra de ke majelé ke nata se ndɔ’m-ndɔ’m.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.