Matthieu 21:45 - Nouveau Testament en Gulay 2004

⁴⁵ Loo ke maw njékuje nyan-mesege se Pharisienge ooi gostàge nè bè ɓaa, kum de gang reng ade geri titeke Jésu tam tà nè ɔje’n dè de.

Matthieu 21:45 Iomraidhean Croise

Matthieu 12:12

Doo karé nga gate’n dum dè le bate karé nja bule lé wa? Ndɔ taa kebe nga, d’inye d’ade doo le kade ra’n nyan ke maje.

Matthieu 13:3

Jésu ede de tà ngain se gostàge ede nè: – An-in! njèdubu ko karé bè tee aw le dubu ko.

Matthieu 21:44

Doo ke oso dè kuberi her’t nè nga, à gudu ɗêk-ɗêk a, doo ke kuberi her nè oso dènn’t ɓaa, à ide’n nduju reend-reend a tɔ.]

Matthieu 21:46

Ei sangi le kuwei Jésu nè ei ɓeli kum kosdoo-bulege tede an-in nin ke njèribe-dè-tà ke tà Nube’t.

Tà ke Maje ke Luc ndang 11:45

Doo karé dann njékɔrgir gute-nduge deje Jésu ede nè: – Njèndó dooge nyan, tàge ke i tam nè nga, è titeke unde jè nan’t mbak i taje jè. Ké an bè lé wa?

Tà ke Maje ke Luc ndang 20:19

Njékɔrgir gute-nduge se maw njékuje nyan-mesege sangi rebe le kade d’uwe Jésu ke loon’t nè, nè ei ɓeli kum dooge. Ei geri se kêm de mbak titeke tà ke è tam nè nga ɔje dè de n’ei kuwe.