Matthieu 21:43 - Nouveau Testament en Gulay 2004

⁴³ Gir’n ke nè á, man m’ede sei ndàt, Konɓee le Nube nga d’a d’uwe wont taa ji si’t le kade girkoje dooge ke à adi nyan tee kɔde. [

Matthieu 21:43 Iomraidhean Croise

Matthieu 12:28

Ke nè á m’rɔ ndilge ke majelé se tɔgmong le Nube ɓaa, è tà le kade i geri titeke Konɓee le’n ube sei nang ɓá ta.

Matthieu 21:41

Njékɔr non Juipge teli ilei Jésu dè’t edi nè: – E à unn kum’n mbeng le kade dé tɔl njékêmyêrge nè nga kɔke ɓaa, è à um kule ndɔr nduu nga ji njéra kule ndɔr nduuge ke rang. Dé nè nga loo ke nan kuje kann nduu ase deĵ ɓá ɓaa, d’a d’ade’n le’n ke ɔje dè’n.

Matthieu 21:42

Jésu tel ede de ede nè: – Tà ke dé ndang kêm magtub ge ke tò se ninn’n d’ede nè: «Kuberi her ke njékunde keige mbati nin nga, tel è kuberi her ke njè mong dè kum kei. E ke nè á è kule ra Kuwe-ɓee. Jè j’an ke nyan ke dum kum jé.» Tà nè nga ké sei tutei ndɔ karé bè ndan lé ɓai wa?

Matthieu 21:44

Doo ke oso dè kuberi her’t nè nga, à gudu ɗêk-ɗêk a, doo ke kuberi her nè oso dènn’t ɓaa, à ide’n nduju reend-reend a tɔ.]

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

1 Nje Ke Corinthe 13:2

Ke nè á m’aw se nyan-noje ke ɔje dè ribe dè tà ke tà Nube’t, m’ase ger nyange malang ke tooi loo ɓɔyɔ de’t éké m’aw se nyanger ke deri éké m’ase le kaw se kundekêm ke deri tede kɔr’n mbal se girson’n bere géa, ke nè á tár nan goto kêm’t ɓaa, m’ee nyan ke karè.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.