Matthieu 21:37 - Nouveau Testament en Gulay 2004

³⁷ Loo tɔl tà’n ɓaa, kuwe-ndɔr nduu nè ule ngonn kêm’n kuwe ra de’t. E gir kêmn’t ede nè: «Ngonn’m ɓaa, bainléa d’a d’ile koje dènn’t.»

Matthieu 21:37 Iomraidhean Croise

Matthieu 21:36

Kuwe-ndɔr nduu nè nga tel ule ngann njéndige le’n ke rang bule dum njé ke è ule de kété. Nè njéra kule ndɔr nduuge rai ngann njéndige titeke rai njé ke kété nga kuwe ɓai.

Matthieu 21:38

Nè loo ke njéra kule kêm ndɔr nduuge’t an-in pan ɓaa, edi nan edi nè: «An-in! njèkɔi nyan-ndube nga aw nè: i reei adi jè tɔli nin, jè kayai nan nyan-ndube le’n kɔke.»

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Marc 12:6

Kuwe-ndɔr nduu nè aw se ngonn ke dingem ke dagi. E tár’n ngain. E nè kuwe karé luk-luk á nain. E ule’n ke ngei njékulege le’n ra njéra kule kêm ndɔr nduu’t ede nè: «D’a ɓel ndil ngonn kêm’n.»

Tà ke Maje ke Luc ndang 20:13

Loo ke kuwe-ndɔr nduu nè an bè ɓaa, è deje ra’n ede nè: «Ké ri á m’a ra wa?» E tam kêmn’t ede nè: «M’a m’ule se ngonn kêm’m ke m’tár’n kuwe tá ta. Loo ke d’a d’an’n ɓaa, bainléa d’a d’ile koje dènn’t.»

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 1:34

Man m’an nyan nè nga se kum’m; gir’n ke nè á ndɔ ke m’tam’n titeke è nè nga è Ngonn Nube kerɔte kuwe.

Jean 3:16

Nube tár dooge malang ke dè nang nè, gir’n ke nè á ule’n Ngonn’n ke dagi le kade nanan ke unde kêm’n dènn’t ɓaa à udu lé nè à ndi kumgajer se non.