Matthieu 21:35 - Nouveau Testament en Gulay 2004

³⁵ Nè njéra kule ndɔr nduuge nè nga tuwei ngann njéndige nè nga tundei è ke karé gangi ra’n dàp-dàp a, tɔli è ke karé a, tilei è ke karé ke rang se kuberi her tɔli nin ke le’n a tɔ.

Matthieu 21:35 Iomraidhean Croise

Matthieu 21:34

Loo ke nan kuje kann nduu ase ɓá ɓaa, è ule ngann njéndige le’n ra njéra kule ndɔr nduuge’t le kade adi nin kann nduu ke ɔje dè’n.

Matthieu 21:36

Kuwe-ndɔr nduu nè nga tel ule ngann njéndige le’n ke rang bule dum njé ke è ule de kété. Nè njéra kule ndɔr nduuge rai ngann njéndige titeke rai njé ke kété nga kuwe ɓai.

Matthieu 5:12

I rai ranel a, ali ra si se kêmnda káng tede nyan kuge dè ji si è ngain dɔ danran. Njéribe-dè-tàge ke tà Nube’t ke kété non si’t nga géa, ndɔ ke dé ra kum de ndoo titeke dé ra’n kum si ndoo bè tɔ.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

Lookilera’n 6:9

Go’t gugu, Ngonn bate tutu tà nyankorji ke njèkon’t mi. Ke loon’t nè kuwe, m’an ngarankum ra njé ke ndɔ ke dé tuje kɔbe de tede tà le Nube ke kété ɔri go nga tooi gir ɗinger loo nyan-kuje mese’t.