Matthieu 21:34 - Nouveau Testament en Gulay 2004

³⁴ Loo ke nan kuje kann nduu ase ɓá ɓaa, è ule ngann njéndige le’n ra njéra kule ndɔr nduuge’t le kade adi nin kann nduu ke ɔje dè’n.

Matthieu 21:34 Iomraidhean Croise

Matthieu 21:35

Nè njéra kule ndɔr nduuge nè nga tuwei ngann njéndige nè nga tundei è ke karé gangi ra’n dàp-dàp a, tɔli è ke karé a, tilei è ke karé ke rang se kuberi her tɔli nin ke le’n a tɔ.

Matthieu 21:38

Nè loo ke njéra kule kêm ndɔr nduuge’t an-in pan ɓaa, edi nan edi nè: «An-in! njèkɔi nyan-ndube nga aw nè: i reei adi jè tɔli nin, jè kayai nan nyan-ndube le’n kɔke.»

Matthieu 21:40

Loo ke kuwe-ndɔr nduu nè nga à ree ɓaa, ké ri á à ra se njéra kule kêm ndɔr nduuge’t nè nga wa?

Matthieu 21:41

Njékɔr non Juipge teli ilei Jésu dè’t edi nè: – E à unn kum’n mbeng le kade dé tɔl njékêmyêrge nè nga kɔke ɓaa, è à um kule ndɔr nduu nga ji njéra kule ndɔr nduuge ke rang. Dé nè nga loo ke nan kuje kann nduu ase deĵ ɓá ɓaa, d’a d’ade’n le’n ke ɔje dè’n.

Matthieu 22:3

E ule ngann njéndige le’n ade awi edi njé ke ndɔ ke è ɓar de loo mur tête tà ɓee’t nè nga. Nè dé ndige ree lé.

Marc 12:1

Jésu unn gir kede dooge tà se gostàge ede nè: – Doo karé bè aw se loo ndɔr nduu, è man kage nduuge tutu. E ɔr gali gan’n dè wàk. E nder bolè le kade dé mboré mann nduu d’um tutu a, è ra kei ngonm loo a tɔ. Go’t gugu, è ɓar njéra kule kêm ndɔr nduuge’t um kule’n ji de’t ɓita ɔte aw mba’t dè ɓee ke rang.

Marc 12:7

Nè njéra kule kêm ndɔr nduu’t nè edi nan edi nè: «An-in! njè ɓa nyan-ndube ke ndɔ ke rang nga. I reei ade j’umi tà le jéi nan’t, jè tɔli nin ɓaa, ndɔr nduu nè à tel k’ee nyankinge jéi.»

Marc 12:9

Jésu deje maw njékuje nyan-mesege se njékɔrgir gute-nduge se ngatɔgege a tɔ, ede nè: – Ké ri á kuwe-ndɔr nduu à ra ta wa? E à aw le kade dé tɔl njéra kule kêm ndɔr nduu’t. Taɓai è à tel se kule kan dè ndɔr nduu nga kum ji dooge ke rang.

Tà ke Maje ke Luc ndang 20:9

Go’t gugu Jésu unn sertà nè ede dooge ede nè: – Doo karè bè uwe ndɔr nduu. E ɓar njéra kulege um kule’n ji de’t ɓaa, è inye ɓee le’n aw ɓeekon ke rang’t ade kur’n heb ɗak.