Matthieu 21:25 - Nouveau Testament en Gulay 2004

²⁵ Ké kule ke Jean ule dooge manné njonm nga, gir’n in ra wa? Ké gir’n in ra Nube’t éké in ra dooge’t wa? Dé murin tà kêm de’t d’ede nè: – Ke nè á j’edi nè: «Gir’n in danran» ɓaa, n’a tel deje jèi kede nè: «A ɓaa, bain á umi kêm si dènn’t lé wa?»

Matthieu 21:25 Iomraidhean Croise

Matthieu 16:7

Njékuwe-gir- Jésuge murin tà kêm de’t edi nè: – N’tam bè tede mapa ke j’inyei nang anje kɔi ji jéi’t.

Matthieu 21:24

Jésu tel ile de dè’t ede nè: – Man géa m’a m’deje sei tà karé bere luk-luk. Ke nè á ilei man dè’t ɓaa, man géa m’a m’ede sei loo ke m’inge tɔgmong le’m tutu á m’a m’ɔde’n nan ra’n nyange nè nga tɔ.

Matthieu 21:26

A ke nè á j’edi nè: «Gir’n in ra dooge’t» ɓaa, a in-in se jéi se tà tede dooge malang an-in Jean ke njèribe-dè-tà ke tà Nube’t.

Tà ke Maje ke Luc ndang 14:4

Nè dé ndi d’an kum nan-nan anje kile’n dè’t. Loo ke Jésu an bè ɓaa, uwe ji njèratur nè nga aje’n taɓai tel ede’n ede nè: – In aw loo lei.

Tà ke Maje ke Luc ndang 20:5

Nè dé kɔte nan tà dann de’t d’ede nè: – Ke nè á jè tami j’edi nè ndukunn nè nga in ra Nube’t ɓaa, n’a n’tel deje jéi kede nè: «A ɓaa ké bain á sei taai tà le Jean nga lé wa?»

Jean 1:15

Jean ɔrgo tà ɔje’n dè Ngonn nè nga se ndu’n ke bòi ede nè: – An-in! è ke ndɔ ke m’tam tà le’n m’ede sei m’ede nè: «Doo karé ke è nonm’t kété à ree goom’t gugu non, tede è ndi tutu kété ɓita d’oje’m ɓai.»

Jean 1:6

Nube ule doo karé bè ke ri’n nè Jean.

Jean 3:18

Doo ke unde kêm’n dènn’t ɓaa, dé gangtà dènn’t lé. Nè doo ke unde kêm’n dènn’t lé ɓaa, dé gangtà dènn’t ɓá tede è unde kêm’n dè Ngonn Nube ke dagi’t nga lé.

1 Jean 3:20

Ke nè á ɓengre jéi ile tà dè jéi’t ɓaa, maje kade jè geri titeke Nube bòi dum dè ɓengre jéi a, è ger nyange malang a tɔ.