Matthieu 21:22 - Nouveau Testament en Gulay 2004

²² Nyan ke rara ke sei deji Nube se kundekêm ɓaa, a ingei nyan nè nga kuwe.

Matthieu 21:22 Iomraidhean Croise

Matthieu 18:19

Kerɔte kuwe, man m’tel m’ede sei ɓai, ke nè á dooge joo dann si’t dè nang nè umi tà le de nan’t le deji nyan ke bain-bain géa, Bɔ’m ke ndi danrán à ade de nyan nè nga kuwe.

Matthieu 7:11

Sei ke njékêmyêrge gé ɓai á i geri loo kade ngann sige nyan ke maje nè a, ké Bɔ si ke ndi danrán asekum kade nyange ke maje njé ke kɔi nin nyan lé wa?

Matthieu 7:7

I kɔi Nube nyan ke awi ndoo’n ɓaa à ade sei a, i sangi nyan ke awi ndoo’n ɓaa a ingei. Undei tàbit kei ɓaa, d’a d’ɔr kade sei ɓai a tɔ.

Marc 11:24

Gir’n ke nè á man m’ede sei: nyan malang ke sei deji Nube loo ke ɔjii se’n tà nga, ke nè á umi kêm si dè’t titeke a ingei nga nyan nè nga kerɔte kuwe ɓaa, d’a d’ade sei nyan nè kuwe.

Jean 14:13

Nyange malang ke a i deji nin se ri’m nga, m’a m’ra kade dooge geri tɔgmong le Bɔ’m takul’m.

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

Jean 16:24

Sár ɗarinè sei deji nyan karé bè se ri’m lé ɓai. I deji nyan ɓaa a ingei, titeke bè á dè ranel le si à ɔr’n njêt.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.

1 Jean 3:22

Nyange malang ke jè kɔi Nube nga, j’à j’ingei tede kan ke j’an-in dè ndukunnge le’n sêw-sêw a, jè rai nyan ke taa kum’n a tɔ.