Matthieu 21:19 - Nouveau Testament en Gulay 2004

¹⁹ E an kage koté karé ngang rebe’t ngɔr. E tɔ aw tutu, è inge kann’n karé bè lé nè mbi’n á tò karè. Jésu tel tam se kage koté nè ede nè: – I a tel kann gugu ndan lé sár se non. Ke loon’t nè kuwe kage koté nè nga wei tutu njanm.

Matthieu 21:19 Iomraidhean Croise

Matthieu 21:20

Loo ke njékuwe-gir-Jésuge an-in nyan nè nga bè ɓaa, tà ige de sêl ade deji Jésu edi nè: – Ké è titeke bain á kage koté nè wei kalang bè wa?

Marc 11:14

Jésu tam se kage ede nè: – Doo karé bè géa à kuse kanni gugu ndan lé. Njékuwe-gir-Jésuge ooi tà ke è tam nè nga se mbi de.

Marc 11:20

Barè se ndɔgé ɓat, loo ke Jésu se njékuwe-girnge teli teei loo ke kage koté nda tutu nga ɓaa, ei an-in nin tutu wùm sár tee’n girn’t nang.

Tà ke Maje ke Luc ndang 3:9

Ɗarinè kunge tò ɔje dè ngire nja kage karé-karé malang. Sei géa, i tooi asinan se kagege bè tɔ. Kage ke rara ke ann majelé ɓaa, d’a tuge’n gang’n kile’n poro.

Jean 15:2

Balkum nduu ke rara ke ube kàdem’t á ann’n lé ɓaa, d’a tuge’n gang’n kɔke. Nè balkum nduu ke rara ke ann ɓaa, Bɔ’m ra’n náng-náng kade ann ɗàk-ɗàk dum ke kété.

Jean 15:6

Ke nè á doo nanm kàde’m lé ɓaa, d’a d’ile’n nata kɔke tite balkum nduuge bè kade tutu. Balkum kage nduuge ke tutu nga, d’a d’ɔi de korè dè nan’t le ró de rák-rák.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Jude 1:12

Dé nè nga dé d’asenan se her ke à tuge sei kile sei tà nyankuse’t tár nan’t le si nga. D’on mur se si se go dege non dege anje ɓel d’ul’n ra de dé kuwe. Dé tò d’asenan se ndi ke in ngiring-ngiring ke nel ɔr’n aw se’n ade ede lé bè. Dé d’asenan se kagege ke anni lé a, dé tite kagege ke nel dann-ɔr-made tɔr de se ngire’n bere mbak ade weii njanm-njanm.

Lookilera’n 22:11

Doo ke è njè ra nyan ke se dè naje’n lé ɓaa, maje kade aw kum’n ke kété dè nyanra ke nal najenn’t le’n nga ɓaa, ndɔn’t à an ɓai. Doo ke ndi se ra’n ke mine ɓaa, maje kade aw kum’n ke kété dè nyan ke mine’t le’n nga ɓaa, ndɔn’t à an ɓai. Doo ke è njè ra nyan ke se naje’n nga, maje kade aw kum’n ke kété dè nyanra ke se dè najenn’t le’n nga. Doo ke ndi tede le Nube nga, maje kade aw kum’n ke kété dè ndi tede le Nube’t le’n nga a tɔ.»