Matthieu 21:16 - Nouveau Testament en Gulay 2004

¹⁶ – Ké i oo tàge ke ngannge tami nga wa? Nè Jésu tel ile de dè’t ede nè: – Oiyo, m’oo maje kuwe. Tà ke Magtub tam ede nè: «I ade tà ngannge ke ndêin bè se ngannge ke à ili mba teen se pa ɗɔyi nin» nga, ké sei i tutei nja karé ndan lé ɓai wa?

Matthieu 21:16 Iomraidhean Croise

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 12:3

Jésu deje de ede nè: – Nyan ke ndɔ ke David ra nga, ké sei i tutei tà’n an-in lé wa? Ndɔ karé bè ɓo ra’n. Njé ke awi se’n géa ɓo ra de tɔ.

Matthieu 19:4

Jésu ile de dè’t ede nè: – Tà ke kêm magtub’t nè nga, ké sei i tutei an-in lé wa? Oiyo, kété ke desêin sàk-sàk nga, Nube Njèkunde nyange malang unde dingem karé se dinye karé a tɔ.

Matthieu 22:31

Tà ke Nube tam ede sei ɔje dè dooge ke à undei loo teei koo nga, ké sei tutei an-in lé ɓai wa? Nube tam ede nè:

Marc 13:17

Habi! à è kumndoo ngain kêm ndɔn’t nè nga tede le dinyege ke njé ndann ngannge se njé ke ngannge à ili mbà kàde de’t ɓai nga a tɔ.

Marc 2:25

Jésu tel deje de ede nè: – Nyan ke ndɔ ke David ra nga, ké i tutei tà’n an-in ndan lé wa? Ndɔ karé bè, ɓo ra de se dooge le’n. Nè nyan ke kade usei goto.

Tà ke Maje ke Luc ndang 21:23

Habi! à è kumndoo ngain tede le dinye ke njéndann ngannge se njé ke ngannge à ili mba kàde de’t ɓai kêm ndɔnge’t nè nga. Tede nyankêmkon ke bò à ra dooge ke kêm ɓee’t nè a, Nube à gangtà dè kosdooge ke kêm ɓeekon’t nè a tɔ.