Matthieu 21:11 - Nouveau Testament en Gulay 2004

¹¹ Njé ke nange dann doobulege’t nè tami edi nè: – E Jésu njèribe-dè-tà ke tà Nube’t ke ɓee ke Nazareth ɓeekon ke Galilée.

Matthieu 21:11 Iomraidhean Croise

Matthieu 2:23

E aw ndi kêm ngonn ɓee karé ke ri’n nè Nazareth tede kade tàge ke njéribe-dè-tà ke tà Nube’t tami kété mari aw’n loon’t deĵ. Ei tami edi nè: «E nè nga d’a ɓar’n doo ke Nazareth.»

Matthieu 21:10

Loo ke Jésu aw kêm ɓee-bò ke Jérusalem ɓá ɓaa, dooge malang ke kêm ɓee-bò’t nè nga, ndil de tee an-in soin-soin ade awi dè nan’t kutri edi nè: – Ké doo nè nga è nan wa?

Matthieu 21:26

A ke nè á j’edi nè: «Gir’n in ra dooge’t» ɓaa, a in-in se jéi se tà tede dooge malang an-in Jean ke njèribe-dè-tà ke tà Nube’t.

Matthieu 21:46

Ei sangi le kuwei Jésu nè ei ɓeli kum kosdoo-bulege tede an-in nin ke njèribe-dè-tà ke tà Nube’t.

Marc 6:15

Dooge ke nange tami edi nè: – E Elie. Njé ke nange ke rang tami edi nè: – E njèribe-dè-tà ke tà Nube’t ke tite made’n karé dann njéribe-dè-tàge ke kété mari á unde loo tee dann njé ke koo’t.

Tà ke Maje ke Luc ndang 13:33

Gar-gar m’a m’aw kum’m ke kété ɓila a, barè a se ndɔ ke rang a tɔ. Tede njèribe-dè-tà ke tà Nube’t asekum kwei loo ke rang’t lé, nè Jérusalem kuwe karé bere.

Tà ke Maje ke Luc ndang 24:19

Jésu tel deje de ede nè: – Ké nyan rige á teei wa? Dé tel d’ile’n dè’t d’ede nè: – E nyange ke ɔje dè Jésu ke Nazareth, ke è njèribe-dè-tà ke tà Nube’t. Nube se kosdooge malang geri titeke è ra nyange a, tam tàge se tɔgmong a tɔ.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Tà ke Maje ke Luc ndang 7:39

Loo ke Simon ke njè ɓar Jésu nga an nyan nè nga titeke bè ɓaa, è girtà kêmn’t ede nè: – Ke nè á dingem nè è njèribe-dè-tà ke tà Nube’t kerɔte ɓaa, ayé ger titeke dinye ke ɔde ra’n nè nga, è dinye ke d’an’n ke kaiya-dinye kuwe.

Jean 1:21

Dé tel dé deje’n d’ede nè: – A ɓaa ké i nan ta wa? Ké i Elie wa? Jean ile de dè’t ede nè: – Man m’ee è lé. Dé tel dé deje’n d’ede’n nè: – A ɓaa ké i njèribe-dè-tà ke tà Nube’t wa? Jean ile de dè’t kuwe ɓai ede nè: – Ḿ-m̀, man m’ee è lé ɓai.

Jean 1:25

Ei deji Jean njèkule dooge manné njonm tà kum de ke kété-kété edi nè: – Ke nè á i Krist lé a, i Elie lé a, éké njèribe-dè-tà ke tà Nube’t lé a tɔ ɓaa, ké bain á i ule dooge manné njonm wa?

Jean 4:19

Dinye nè nga tel ede Jésu ede nè: – Dingem, m’an titeke i njèribe-dè-tà ke tà Nube’t.

Jean 6:14

Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 7:40

Loo ke njé ke nange dann doobulege’t ooi tàge nè nga bè ɓaa, ei tami edi nè: – Loo naje’n goto, doo nè nga è njèribe-dè-tà ke tà Nube’t kuwe.

Jean 9:17

Pharisienge teli deji doo ke kété è njèkumtɔ nga edi nè: – Njè kade kumi teen ade an’n loo nga, ké tà ri á i tam ɔje’n dè’n wa? Dingem ke kété è njèkumtɔ tel ile de dè’t ede nè: – E njèribe-dè-tà ke tà Nube’t kerɔte kuwe.

Nyanra Njekawkulege 7:37

E Moise nè nga kuwe á ndɔ ke ede kosdooge ke Israel ede nè: «Ndɔ ke rang Nube à ɔr njéribe-dè-tàge ke tànn’t ke tite’m man bè kade sei. Doo nè nga a è ngokon si ke dann si sei’t kuwe.»