Matthieu 20:8 - Nouveau Testament en Gulay 2004

⁸ Loo ke kàde ur ɓá ɓaa, kuwe-kei ɓar paja le’n ede’n ede nè: «I ɓar njékulege uge de nar le de, unn gir dè njé ke reei gugu sár i tee’n dè njé ke reei desêin.»

Matthieu 20:8 Iomraidhean Croise

Matthieu 20:7

Dé tel d’ede’n d’ede nè: «Doo karé bè ke njè kɔi jè kule’t goto.» Kuwe-kei nè nga ede de ede nè: «Sei géa, ɔti awi kêm ndɔr nduu’t le’m tɔ.»

Matthieu 20:9

Njékulege ke reei se kàde mi ke loo sɔlé nga, nanan géa taa sile karé-karé.

Matthieu 25:19

Loo ke kur’n heb ɗak ɓaa, kuwe ngann njéndige nè tel ree le mbɔje kɔr nar le’n ke è um ji de’t nga le kan.

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Tà ke Maje ke Luc ndang 10:7

Kêm kei ke rara ke awi tutu nga, è kuwe i ndii tutu, usei a, an-in nyan ke d’ade sei a tɔ; tede tete ndam á tɔ karè m tete kule tɔ karè lé. Awi asi loo nák-nák tà keige’t le dooge lé.

Tà ke Maje ke Luc ndang 12:42

Kuwe-ɓee tel deje Pierre ede nè: – Bè ɓaa, ké nan è ngonn njèndi ke gang tchat ke maje kule wa? E è ke kuwe’n à ɔr’n kunde’n ke njèkan dè ngann njéndi madennge’t, kade nobo de nyankuse ke ɔje dè de-dè de se kàde’n a, se ndɔ karé-karé malang a tɔ.

Tà ke Maje ke Luc ndang 8:3

se Jeanne, dinye le Suza njèkan dè nyange le ngar Hérode, se Suzanne a, se njé ke rang bule a tɔ. Dinyege nè malang unni nyankingege le de rai se Jésu se njékuwe-girnge.

2 Nje Ke Corinthe 5:10

Kerɔte kuwe, ndɔn’t jèi karé-karé malang j’à ndai loo gangtà’t le Krist tede kade nanan géa à inge kann nyan ra maje éké majelé ke è ra loo ke kété ndi’n se dè’n dɔ ɓai nga.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

1 Pierre 4:10

Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.