Matthieu 20:34 - Nouveau Testament en Gulay 2004

³⁴ Jésu an kumtondoo le njékumtɔge ade ule ji’n ɔde’n kum de. Ke loon’t nè kuwe, kum de tel an loo njai-njai. Dé liger lagr-lagr go Jésu’t.

Matthieu 20:34 Iomraidhean Croise

Matthieu 14:14

Jésu in kêm bato’t rise nang. Doobulege ngain kujei nan rann’t hakl. E an kumndoo le de a, è ɔr ratur ra njératurge’t le de a tɔ.

Matthieu 15:32

Jésu ɓar njékuwe-girnge rann’t ede de ede nè: – Man m’an kumndoo le doobulege nè nga. An-in! ei ndii se’m ase ndɔ mute nè ingei nyan usei lé. Man m’ndige le kinye de kade awi kêm de ɓo lé nè bainléa kumkil à ra de rebe.

Matthieu 20:33

Dé tel d’ile’n dè’t d’ede nè: – Kuwe-ɓee, maje kade ade kum jé tel an loo.

Matthieu 21:1

Jésu se njékuwe-girnge reei teei kêm kɔki ɓee ke ri’n nè Bethpagé, tò kɔte mbal ke kage olivierge ndai tutu. Loo ke ei undei dè ɓee-bò ke Jérusalem ngɔr ɓaa, Jésu ɔr njékuwe-girnge joo ule de kété ede nè:

Matthieu 8:15

Jésu lá ji’n uwe. Ke loon’t nè kuwe taa por ratur ke ade ra wum Pierre taa por làm-làm nga in dènn’t kengeng ade ɔse nang in dɔ. E unn gir ra nyankuse ade Jésu.

Matthieu 9:29

E á Jésu ule ji’n ɔde’n kum de ede nè: – Maje kade Nube ra se si se go kundekêm le si.

Matthieu 9:36

Jésu an kumtondoo le doobulege tede ɔri yàl-yàl a, awi dè nan’t ɗɔtɔtɔ asenan se batege ke njékul dege gotoi bè a tɔ.

Marc 7:33

Jésu ɔr njè mbi mbe nè nga njɔl dann doobulege’t se kar’n aw se’n ngang loo’t nata. E ra mann tà’n ngaw-jinn’t tule mbi dingem’t nè nga.

Tà ke Maje ke Luc ndang 18:43

Ke loon’t nè kuwe kum njèkumtɔ teen ade an’n loo ule’n ndubra dè Nube’t a tɔ. Loo malang ke Jésu aw tutu nga, njèkumtɔ nè aw se’n nan’t-nan’t. Loo ke kosdooge malang an-in bè ɓaa, ei géa, unni gir kule ndubra dè Nube’t tɔ.

Tà ke Maje ke Luc ndang 22:51

Nè Jésu ede de ede nè: – Adi ase bè. E ɔde mbi dingem nè nga ade tel tò karè ndát-ndát.

Tà ke Maje ke Luc ndang 7:13

Loo ke Kuwe-ɓee Jésu tête kum’n an kon ngonn nè nga ɓaa, kêm’n aw biriri-biriri ade ede nè: – Ebe’t non.

Nyanra Njekawkulege 26:18

M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»

Hebreuge 2:17

Gir’n ke nè á, gar-gar Jésu tel tanan se ngakonnge tcha-tcha dè nyange’t malang tede kade tel ee’n maw njèkuje nyan-mese le Nube a, taɓai è njè kem̂kanm ke dooge asi kundei kem̂ de dènn’t tede kase ke è ase kɔr se-kaiyage le kosdooge malang kade taai kum Nube kerɔte.

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.