Matthieu 20:31 - Nouveau Testament en Gulay 2004

³¹ Doobulege in-in se de le kade ebi’t. Nè dé tel dé tam se ndu de ke bòi beng ke kété-kété d’ede nè: – Kɔkrɔ karè, Kuwe-ɓee, Ngonnkà David, an kumtondoo le jé kuwe tɔg.

Matthieu 20:31 Iomraidhean Croise

Matthieu 15:23

Nè Jésu ile’n dè’t lé. Njékuwe-girnge reei edi nin edi nè: – I rɔyé ade n’aw tede n’non go jéi’t ɗêl-ɗêl ngain.

Matthieu 19:13

Dooge reei se ngannge ra Jésu’t le kade ile ji’n dè de’t a, le kade tɔr ndu’n dè de’t a tɔ. Nè njékuwe-girnge in-in se njé ke reei se ngannge nè nga.

Matthieu 20:30

An! njékumtɔge joo ndii nang ngang rebe’t. Ei ooi titeke Jésu à dese le kaw ɓaa, ei tami tà se ndu de ke bòi edi nè: – Kɔkrɔ karè, Kuwe ɓee, Ngonnkà David, an kumtondoo le jé.

Matthieu 20:32

Jésu tel nda nang gek, è ɓar de rann’t deje de ede nè: – Ké ri á sei ndigi kade m’ra m’ade sei wa?

Matthieu 9:27

Loo ke Jésu ɔte loon’t nè le kaw ɓaa, njékumtɔge joo tami tà se ndu ke bòi beng ndoléi goo’n edi nè: – Ngonnkà ngar David, an kumtondoo le jé kɔkrɔ karè.

Tà ke Maje ke Luc ndang 18:39

Njé ke ɔri non Jésu in-in se njèkumtɔ nè nga, ndángii edi nè: – Ebe’t. Nè njèkumtɔ tam se ndu’n ke bòi beng ke kété kété ede nè: – Ngonnkà David, an kumndoo le’m kɔkrɔ karè.

Nje Ke Colosses 4:2

Uwei ra si mong ɔji tà se Nube se ndɔge malang a, i ndii kum dè ra’n oiyo’t a tɔ.

1 Nje Ke Thessalonique 5:17

Ebi’t kɔje tà se Nube lé.