Matthieu 20:30 - Nouveau Testament en Gulay 2004

³⁰ An! njékumtɔge joo ndii nang ngang rebe’t. Ei ooi titeke Jésu à dese le kaw ɓaa, ei tami tà se ndu de ke bòi edi nè: – Kɔkrɔ karè, Kuwe ɓee, Ngonnkà David, an kumtondoo le jé.

Matthieu 20:30 Iomraidhean Croise

Matthieu 13:4

Loo ke njèdubu ko nda à dubu koo ɓaa, njar ko ke nange tée toso ka-rebe’t ade helge otoi on-in.

Matthieu 15:22

An! dinye karé ke kêm ɓee ke Canan unde loo tee tam tà se ndu’n ke bòi beng ede Jésu ede nè: – Kuwe-ɓee, Ngonn David, an kumtondoo le’m kɔkrɔ karè. Ndil ke majelé ra kum ngonn’m ke dinye ndoo ngain.

Matthieu 20:31

Doobulege in-in se de le kade ebi’t. Nè dé tel dé tam se ndu de ke bòi beng ke kété-kété d’ede nè: – Kɔkrɔ karè, Kuwe-ɓee, Ngonnkà David, an kumtondoo le jé kuwe tɔg.

Matthieu 21:14

Njékumtɔge se njémetege reei ra Jésu’t kêm kei le Nube ade ɔr ratur ra de’t.

Matthieu 21:9

Doobulege ke njiyei non Jésu’t kété a, se njé ke njiyei goon’t a tɔ rai nyan beng-beng edi nè: – Maje kade dè mong kang-kang nain se Ngonnkà David. E ke ree se ri Kuwe-ɓee nga, maje kade ndutɔr nain se’n. Njèndi sêm danran’t nga, maje kade dè’n mong kang-kang.»

Matthieu 22:42

– Ké tà ri á sei giri ɔje dè Messie nga wa? Ké sei giri kêm si’t edi nè: è ngonnkà nan wa? Dé tel d’ile’n dè’t d’ede nè: – E nga, è ngonnkà David.

Marc 10:46

Jésu se njékuwe-girnge a, se kosdoo-bulege reei teei kêm ɓee-bò ke Jéricho. Loo ke à unde loo le tee ɓaa, njèkumtɔ karé ke njèkɔ nyan ndi nang ngang rebe’t à kɔ nyan. Njèkumtɔ nè nga ri’n nè Bartimée, è ngonn le Timée.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Tà ke Maje ke Luc ndang 7:21

Kêm kàde’n ke d’ade reenn’t nga, Jésu ndi ɔr ratur ra dooge’t bule. Njé ke raturge ke se ri de-ri de rai de nga géa, è ɔr ra de’t. E rɔ ndilge ke majelé kêm dooge’t kɔke a, è uwe noje se njékumtɔge ade teli an-in loo njai-njai a tɔ.

Nyanra Njekawkulege 2:30

Nè David nga kété è njèribe-dè-tà ke tà Nube’t. E ger titeke Nube mann ra’n ade’n kété ede nè: «M’a m’ɔr ngonnkài karé ke kêmi’t dann ngannkàige’t kade ndi kutu-ngar’t lei.»