Matthieu 20:26 - Nouveau Testament en Gulay 2004

²⁶ Nè sei nga, gar-gar à è titeke bè dann si’t lé. Nanan ke ndige le k’ee ngawtà si ɓaa, maje kade tel ra’n ke ngonn njèkule le si.

Matthieu 20:26 Iomraidhean Croise

Matthieu 20:27

Nanan ke ndige le k’ee ngawtà si ɓaa, maje kade tel ra’n ke ɓer le si.

Matthieu 25:44

Njé ke ndai dè jigeln’t nga géa à teli deji ngar kedi nè: «Kuwe-ɓee, ké ndɔ ke ra á j’an-in loo ɓo se kunde mann ke rai’t éké j’an-in ke doo ke dɔ éké aw rai karè ndát-ndát éké ratur rai éké i tò dangai’t á jè mbate ra sei wa?»

Matthieu 27:55

Dinyege bule ke unni gir danni Jésu ɓeekon ke Galilée nga ndai heb, ei an-in nyange ke teei nè nga. Dinyege nè nga, ndɔ ke ei njé ra se Jésu dè nyange ke è aw ndoo’n.

Marc 10:43

Nè sei ɓaa, gar-gar maje kade i rai titeke bè lé. Ke nè á doo karé dann si’t aw ndoo le k’ee doo ke bò dum madennge malang dann si’t ɓaa, gar-gar maje kade tel ra’n ke ngonn njèkule le si.

Marc 10:45

Oiyo man Ngonn doo géa, m’ree le kade dooge ei ngann njékulege le’m lé, nè m’ree le kade m’ee ngonn njèkule le de a, le kinye ra’m kade yo ke nyan gang dè dooge bule a tɔ.

Marc 9:35

Jésu tête ra’n ndi nang. E deje njékuwe-girnge ke dɔg-gidé-joo le kade reei rann’t an-in dè’n ulei nan’t. Jésu ede de ede nè: – Ke nè á doo karé ndige le k’ee ngawtà madennge ɓaa, gar-gar maje kade tel ra’n ke njè kutu go madennge malang a, ke njèkule le de malang a tɔ.

Tà ke Maje ke Luc ndang 18:14

Man m’ede sei ndàt, loo naje’n goto, doo nè nga d’ɔr tà dènn’t pa ɓita tel aw kêm kei le’n ɓai. Nè Pharisien nè nga tà uwe dè’n. Nanan ke unde dè’n dɔ ɓaa, d’a d’ade dè’n à è nang, nanan ke ule dè’n ɓaa, d’a d’unn’n kunde’n dɔ ɗáng ɓai.

Tà ke Maje ke Luc ndang 22:26

Maje kade sei i rai titeke bè dann si’t lé. Nè è ke è doo ke bò dum dè madennge nga, maje kade tel ra’n ke ngonn gir si. E ke è njékɔr non madennge nga, maje kade tel ra’n ke ngonn njèndi le si a tɔ.

Jean 18:36

Jésu ile Pilate ede nè: – Konɓee le’m è ke nang nè lé. Ke nè á konɓee le’m è ke dè nang nè ɓaa, pajage le’m ayé kan-in rɔ dèm’t kade d’ule’m ji Juipge’t lé. Kerɔte kuwe, konɓee le’m è ke dè nang nè lé.

Nyanra Njekawkulege 13:5

Loo ke awi teei kêm ɓee ke Salamine ɓaa, ei ilei mber tà le Nube kêm kei kebe nange’t le Juipge kuwe kété. Jean-Marc aw se de le ra se de dè kule ke nange.

2 Nje Ke Corinthe 1:24

Jè ndige kon sei njanm-njanm dè kundekêm’t le si nga lé. Nè jè ɓaa, jè njé ra se si kule dè ranel’t le si tede sei ndai njáng dè kundekêm’t le si nga ɓá.

2 Timothee 1:18

Maje kade Kuwe-ɓee Nube ade inge kem̂kanm ra Kuwe-ɓee Jésu’t kem̂ ndɔ ke ngeinn’t. Kulege ngain ke è ra ade’m kem̂ ɓee-bò ke Ephèse nga, i ɓaa, i ger maje dum dooge ke rang.

Philemon 1:13

M’ndige le ngonm’n meĵ-meĵ ram’t le kade taa guti ra se’m dè Tà ke Maje’t. Sul ke m’ndii’n jim’t nga è tede Tà ke Maje.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.

1 Pierre 5:3

Njé ke Nube kai de um de ji si’t nga, on-in de njanm-njanm tite ngarge bè lé; nè maje kade i teli sei nyan-tɔjege le bate kosge.

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.