Matthieu 20:23 - Nouveau Testament en Gulay 2004

²³ – Nyantosowur ke Nube à ade ra’m nga, à ra sei se’m kuwe. Nè tà ke ɔje dè ndi dè jikonm’t éké dè jigelm’t nga, è tà le’m lé. Loo nè nga, njé ke Bɔ’m uwe dè nja ɔje’n dè de á d’a d’inge.

Matthieu 20:23 Iomraidhean Croise

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Matthieu 20:24

Loo ke gute njékuwe-gir-Jésuge ke dɔg ooi tà nè nga bè ɓaa, kêm de on de dè ngakon nange ke joo nga.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Marc 10:40

Nè tà ke ɔje dè ndi dè jikonm’t éké dè jigelm’t nga, è tà le’m lé. Loo nè nga, è le njé ke Nube uwe dè nja ɔje’n dè de kété.

Nyanra Njekawkulege 12:2

E ade d’uwe Jacques ngokon Jean dé tɔl’n se kuye kaskar.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

1 Nje Ke Corinthe 2:9

Dé ndang kêm Magtub’t le Nube d’ede nè: «Kumkunju ke Nube uwe dè nja unde konn tede le njé ke tári nga, è nyan ke kum doo an lé a, mbi doo oo lé a, è nyan ke doo gir dè ɓengrenn’t lé a tɔ.»

2 Nje Ke Corinthe 1:7

Kêm jé ke j’unde tchên ke dè si’t nga tò njáng. Jè ger mbak, nyankêmkonge ke sei ulei ra si tutu se jé nga, sei ɓei nan se jé dè sɔlkêm’t titeke bè tɔ.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

Hebreuge 11:16

Nè ɓeekon ke maje ngain dum dè madege ke ngur’n ra de pênn-pênn ɗarinè nga, è ɓeekon ke danrán. Gir’n ke nè á ra Nube sɔl’n dè ɓar ke dé ɓar’n Nube le de nga lé. Kerɔte kuwe, è uwe dè nja ɓee-bò karé tede tà le de ɓá.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.