Matthieu 20:21 - Nouveau Testament en Gulay 2004

²¹ Jésu deje kon ngannge nè nga ede nè: – Ké ri á i ndige wa? E tel ile Jésu dè’t ede nè: – Ngann’m ke joo nè nga, unn ndui ade njé ke karé ndi dè jikoin’t a, ade è ke karé ndi dè jigeli’t a tɔ kêm ɓeekon’t lei.

Matthieu 20:21 Iomraidhean Croise

Matthieu 18:1

Kêm kàdenn’t nè nga njékuwe-gir-Jésuge reei rann’t deji nin edi nè: – Ké nan á è doo ke bò dum madennge kêm Konɓee ke danrán wa?

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 20:22

Jésu tel ile de dè’t ede nè: – Nyan ke sei i deji nga, i geri loo’n lé. Nyantosowur ke Nube à ade ra’m nga, ké a asi kade rai sei se’m tɔ wa? Dé tel d’ile Jésu dè’t d’ede nè: – Oiyo, j’à j’ase kade ra jè sei kuwe. Jésu tel ile de dè’t ede nè:

Matthieu 20:32

Jésu tel nda nang gek, è ɓar de rann’t deje de ede nè: – Ké ri á sei ndigi kade m’ra m’ade sei wa?

Marc 10:51

Jésu deje njèkumtɔ ede nè: – Ké ri á aw ndoo kade m’ra m’adi wa? Njèkumtɔ tel ede Jésu ede nè: – Ngar le’m, m’ndige kade kum’m tel an loo.

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Marc 6:22

Ngonn le Hérodiade ke mande aw go de’t kêm kei loo ra nan’t nè nga. E ndam ade nel ngar Hérode se njé ke è ɓar de loo nyankuse’t nè nga. Ngar Hérode ede ngomande nè nga ede nè: – Nyan riri géa i deje’m ɓaa, m’a m’adi kuwe.

Tà ke Maje ke Luc ndang 18:41

– Ké i ndige kade m’ra ri m’adi wa? Njèkumtɔ tel ile jésu dè’t ede nè: – Kuwe-ɓee, ade kum’m tel an loo gugu.

Tà ke Maje ke Luc ndang 19:11

Dooge uri mbi de ooi tà le Jésu. Loo ke è an titeke d’ur mbi de d’oo tà le’n ɓaa, è unn sertà karé ke rang ede de tede nain ngɔr kade à tee Jérusalem. Dooge nè giri kêm de’t edi nè nain ngɔr ɓaa Konɓee le Nube ayé kunde loo tee pan ta.

Tà ke Maje ke Luc ndang 22:24

Tà naje ke ɔje dè doo ke d’a d’an’n ke doo ke bò dum dè njékuwe-gir-Jésuge oso tip dann de ei’t kuwe.

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

Nyanra Njekawkulege 1:6

E á njékawkulege ɔsi nja nan ra Jésu’t deji nin edi nè: – Kuwe-ɓee, ké ɗarinè kuwe è ndɔ ke a i tel’n se konɓee le ngann Israelge kade gugu ta wa?

Nje Ke Rome 12:10

I tári nan tite ngakon nange bè se kêmnda káng. Ilei riɓar dè njé ke rang’t adi dum dè riɓar le si sei.

Nje Ke Rome 8:34

Dooge ke Nube kuwe tɔr de a, ɔr tà dè de’t a tɔ nga, ké nan ase gangtà dè de’t wa? Doo karé bè ke ase gangtà dè de’t goto, tede Jésu-Krist wei tede tà le de. Jésu-Krist ke wei tede tà le de nga, è unde loo tee dann njé ke koo’t. Taɓai è aw ndi dè jikon Núbe’t à ra rebe tà le jéi.

Nje Ke Colosses 3:1

Sei undei loo i teei se Krist dann njé ke koo’t ɓá. Bè ɓaa, i sangi nyange ke dɔ danran, loo ke Krist ndi tutu dè jikon Nube’t.