Matthieu 20:2 - Nouveau Testament en Gulay 2004

² E ɔje se de sile karé kêm ndɔ karé. Loo ke njékulege ndigi se’n dè’t ɓá ɓaa, è ule se de kêm ndɔr nduu’t le’n.

Matthieu 20:2 Iomraidhean Croise

Matthieu 18:28

Loo ke ngonn njèndi nè unde loo tee nata ɓaa, è dar njèmade kule le’n karé ke kure le’n tò dènn’t asekum nar kule ke ndɔ aru karé deĵ. E oso kɔbenn’t uwe’n ade kum’n nda ngengeng. E ede’n ede nè: «Gar-gar, uge’m kure le’m ke tò dèi’t nga ɗarinè kuwe.»

Matthieu 20:1

Konɓee ke danrán nga tò asenan se kuwe-kei ke tee se ndɔgé ɓat tede kɔi dooge kade rai kule kêm ndɔr nduu’t le’n bè.

Matthieu 20:13

Nè kuwe-kei nè nga ede njè ke karé dann de’t ede nè: «Made’m, m’banmi lé. Ké kété i ndigi se’m dè sile karé’t lé wa?

Matthieu 20:3

E tel unde loo tee nata se kàde ke jisɔ-jimi ɓaa, è an njé ke rang ndai ndá-loo’t karè anje ra kule.

Matthieu 20:9

Njékulege ke reei se kàde mi ke loo sɔlé nga, nanan géa taa sile karé-karé.

Matthieu 22:19

Ɔji man sile ke d’uge’n tir nga adi m’an. Dé ree se sile nar kule ke ndɔ karé dé tɔje’n.

Matthieu 9:37

Go’t gugu Jésu ede njékuwe-girnge ede nè: – Ko ke kum sa è ngain nè njé saange á di lé ɓai.

Marc 12:15

Nè Jésu ger kede gos le de mbak ɓaa, è deje de ede nè: – Ké bain á ulei kêm’m wa? E ede de ede nè: – I reei se nar kule ke ndɔ karé nga adi man!

Tà ke Maje ke Luc ndang 1:15

Tede à è doo ke bò tàkum Kuwe-ɓee’t. E à kain yibe nduu ke ate éké yibe ke ate karé ke rang lé a tɔ. Loo ke è nain kêm konn’t ɓai kuwe Ndil-Kêmnda taa kêm’n pel-pel.

Tà ke Maje ke Luc ndang 10:35

Barè lookar’n, è tɔr nar kule ke ndɔ joo bere mbak ade kuwe kei-mba nè ɓaa, è ede’n ede nè: «I tɔse kumi dè dingem’t nè nga ade’m sei. Nyan malang ke a i tuju’n dum dè nar ke m’adi nè nga, ndɔ ke m’a m’tel ɓaa, man kuwe m’a m’ugei ɓai.»

Tà ke Maje ke Luc ndang 20:24

– I tɔji man sile karé adi m’an. Ké dè nan éké ri nan á dé ndang tutu wa? Dé d’ile’n dè’t d’ede nè: – Dè doo ke dé ndang tutu nga, è dè César a, ri doo ke dé ndang tutu nga géa, è ri César a tɔ.

2 Timothee 3:15

Magtubge ke tooi se ninn de nga, i ger de se ngonni ndêin bè mari. Magtubge nè asikum kadi nin kumkunju kade inge’n kaje takul kem̂i ke unde dè Jésu-Krist’t.

Lookilera’n 6:6

M’oo ká nyan ɓar asenan se ndu doo dann nyankundege ke sɔ’t tam ede nè: «Ko têl kem̂ ngonn nyan-mbɔje nyan karé bere kuwe à è kum nar kule ke ndɔ karé. Ko gɔje kem̂ ngonn nyan-mbɔje nyan mute bere kuwe à è kum nar kule ke ndɔ karé tɔ. Nè wubu se yibe ndu ɓaa, i tuji de kɔke lé.