Matthieu 20:19 - Nouveau Testament en Gulay 2004

¹⁹ Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 20:19 Iomraidhean Croise

Matthieu 12:40

Titeke kété Jonas too’n kêm kanje bò’t ase ndɔ mute nga, man ke m’ee Ngonn doo nga géa le’m à è titeke bè tɔ. M’a m’tò ngaran nang’t ase ndɔ mute tɔ.

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 17:23

Dooge à tɔli man nè ndɔ ke njèkon’t mute ɓaa, m’a m’unde loo tee dann njé ke koo’t. Tà nè nga ade njékuwe-gir-Jésuge kêmkon ngain.

Matthieu 27:26

Titeke bè Pilate ɔr Barabbas inye’n dɔ ade de. Nè Jésu ɓaa, ade d’unde’n se ndêin maru dàp-dàp ɓita ule’n ji de’t le kade d’aw se’n dé ɓer’n kàde kage-ke-dese’t ɓai.

Matthieu 27:63

– Ngar ke maje, kêm jé olé dè tà’t le njè libe kum dooge nè. Kété ke ndii’n se dè’n dɔ ɓai nga, è tam ede nè: «Ndɔ ke njékon’t mute ɓaa, m’a m’unde loo tee dann njé ke koo’t.»

Marc 14:65

Njé ke nange unni gir tibi yoro kum Jésu’t a, labi ji de kumn’t a, ɓiri ji de tundei nin a, taɓai ei deji nin edi nè: – Ede jè ri doo ke njè kundei. Njé ngonm tà looge géa tundei mbi Jésu njanm-njanm a tɔ.

Marc 15:1

Se ndɔgé ɓat loo ke kàde tee lé ɓai, maw njékuje nyan-mesege se ngatɔgege le Israelge se njékɔrgir gute-nduge, se gute njégangtàge ke rang malang ɔri nan tà dè nyan ke kum ra. Ei adi d’uwe Jésu dé tɔ’n d’aw se’n d’ule’n ji ngar Pilate’t.

Marc 15:15

Pilate ndige le kade ra doobulege nel de. Gir’n ke nè á è ɔr’n Barabbas inye’n dɔ. E ade njérɔge undei Jésu se ndêin maru pa ɓita ule’n ji de’t le kade awi se’n ɓeri nin kàde kage-ke-dese’t ɓai.

Tà ke Maje ke Luc ndang 18:32

Man nga d’a d’ule’m ji girkoje dooge ke ei juipge lé. Dé nè nga d’a d’ule mbe dèm’t, d’ade taje’m a, d’a tibe yor kum’t,

Tà ke Maje ke Luc ndang 23:11

Hérode se kos njérɔge le’n t’ulei mbe dè Jésu’t a, ilei rasɔl dènn’t a tɔ. Taɓai Hérode ade d’ule kubu ke ndolé kein-kein rann’t ɓaa tel ule se’n gugu ade’n Pilate.

Tà ke Maje ke Luc ndang 24:46

Gir’n ke nè á è ede de ede nè: – An-in! dé ndang kêm magtub’t d’ede nè: Man Krist ke Nube ule’m nga, gar-gar d’a d’ade nyantosowur à ra’m kuwe. Nè d’a d’ade m’a m’unde loo tee dann njé ke koo’t ndɔ ke njèkon’t mute.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 21:11

Agabus unn ndar dɔ dè kubu le Paul tɔ’n nja’n se ji’n ede nè: – Ooi tà ke Ndil-Kêmnda tam: Doo ke ndar dɔ dè kubu le’n tò nè nga, Juipge ke kêm ɓee-bò ke Jérusalem à tɔɔi nin titeke bè le kulei nin ji dooge ke ei Juipge lé.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.