Matthieu 2:4 - Nouveau Testament en Gulay 2004

⁴ E ɓar maw njékuje nyan-mesege se njéndang magtubge le kosdooge ɔse nja de nan’t deje de kade edii loo koje Krist.

Matthieu 2:4 Iomraidhean Croise

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 2:3

Loo ke ngar Hérode se dooge malang ke kêm ɓee-bò ke Jérusalem ooi tà nè nga titeke bè ɓaa, tà ige de sêl.

Matthieu 2:5

Dé tel d’ile’n dè’t d’ede nè: – Krist nga d’oje’n kêm ɓee ke Bethléhem ɓeekon ke le Juda. Njèribe-dè-tà ke tà Nube’t karé ndang tà nè nga titeke bè kêm magtub’t kété ede nè:

Matthieu 21:15

Nè njékuje nyan-mesege se njéndang magtubge an-in nyange ke dum kum ke Jésu ra a, an-in ngannge ke rai nyan beng-beng kêm kei’t le Nube edi nè: – Ngonnkà David nga, maje kade dè’n mong kang-kang. Loo ke njékuje nyan-mesege se njékɔrgir gute-nduge ooi tà nè nga bè ɓaa, wong ra de ade tami se’n edi nè:

Matthieu 21:23

Jésu aw kêm kei’t le Nube. Loo ke è unn gir ndó dooge nyan ɓaa, maw njékuje nyan-mesege se ngatɔge dooge le kosdooge reei rann’t dejii edi nè: – Ké takul tɔgmong ke ra á i ra’n nyange nè nga wa? Ké nan unn ndu’n adi á i ra’n nyange nè titeke bè wa?

Matthieu 26:3

Maw njékuje nyan-mesege se dooge ke kum de unju dann kosdooge ke Israel ɔsi nja nan nam-nam kêm geng’t le maw njèkuje nyan-mese ke ri’n nè Caiphe.

Matthieu 26:47

Loo ke tà nain tà Jésu’t ɓai ɓaa, Judas njèkuwe-gir-Jésu ke karé dann njé ke dɔg-gidé-joo’t ɔr non kos njérɔge mbuu tee’n pan. Kos njérɔge nè nga ei se kuye kaskar, se ɗugur kage ji de’t kêl-kêl. E maw njékuje nyan-mesege se ngatɔgege le kosdooge ke Israel á ulei kos njérɔge nè nga.

Matthieu 27:1

Loo ke loo ar yerer ɓá ɓaa, maw njékuje nyan-mesege se ngatɔgege malang le kosdooge malang ke Israel ɔri nan tà dè Jésu’t le kade dé tɔl’n.

Matthieu 7:29

E ndó de nyange se tɔgmong ke Nube ade’n m è ndó de nyan tite le njékɔrgir gute-nduge le de karè lé.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Tà ke Maje ke Luc ndang 20:19

Njékɔrgir gute-nduge se maw njékuje nyan-mesege sangi rebe le kade d’uwe Jésu ke loon’t nè, nè ei ɓeli kum dooge. Ei geri se kêm de mbak titeke tà ke è tam nè nga ɔje dè de n’ei kuwe.

Tà ke Maje ke Luc ndang 23:10

Maw njékuje nyan-mesege se njékɔrgir gute-nduge ke ndai loon’t nga in-in se tà de jik-jik têti tà undei tà Jésu’t.

Jean 18:3

Judas ɔr non kos njérɔge se pajage le maw njékuje nyan-mesege se Pharisienge aw se de loo’t nè nga. Dé ree se portusge se nyankatege ji de’t tchukuk-tchukuk.

Jean 3:10

Jesu tel ile Nicodème dè’t ede nè: – I ke njèndó dooge nyan ke kɔbi oso se loo mbit-mbit kêm ɓeekon ke Israel’t nga, ké i ger nyange nè lé taɓai wa?

Jean 7:32

Tàge ke doobulege kɔti nan ɔje dè Jésu nga oso mbi Pharisienge’t. Maw njékuje nyan-mesege se Pharisienge ulei njérɔge le kade uwei nin.

Jean 8:3

Njékɔrgir gute-nduge se Pharisienge uwei dinye karé dè tò se dingem ke rang’t reei se’n undei nin non dooge’t malang.

Nyanra Njekawkulege 23:9

Dé kɔl nan heyei. Njékɔrgir gute-ndu ke nange ke ei dann Pharisienge ɔsi nang in-in naji tà nè nga utei mbeng-mbeng edi nè: – Doo nè nga, jè j’an majelé karé ke è ra lé. Bainléa è ndil éké è doo ke danrán karé á ede’n tà, jè ger lé.

Nyanra Njekawkulege 4:5

Barè lookar’n, njékɔr non Juipge se ngatɔgege se njékɔrgir gute-nduge kebi nan káng-káng kêm ɓee-bò ke Jérusalem.

Nyanra Njekawkulege 6:12

Dé tam tà nè nga bè dé sule’n kosdooge se ngatɔgege a, se njéndang magtubge a tɔ. Gir’n ke nè á ei in-in bati Etienne uwei nin, ndɔri nin awi se’n non njégangtàge’t.