Matthieu 2:13 - Nouveau Testament en Gulay 2004

¹³ Loo ke baw-nyangerge ɔti awi ɓá ɓaa, an! doo ke danran le Kuwe-ɓee tee hɔi ke ra Joseph’t se ni ede’n ede nè: – Ɔse nang in, unn ngonn ke kide nè nga se kon’n an-in se de aw se de ɓeekon ke Egypte. I ndi tutu nú sár kade man kuwe m’edi ɓita i tel i ree ɓai tede Hérode sang le tɔl ngonn ke kide nè nga.

Matthieu 2:13 Iomraidhean Croise

Matthieu 1:20

Nè loo ke Joseph ndi à gir tà dè nyan’t nè nga bè ɓai ɓaa, an! doo ke danran ke Kuwe-ɓee ule’n tee dènn’t pan ede’n tà se nin ede nè: – Joseph, ngonn David, i ɓel le taa Marie ke neein lé, tede ngonn ke tò kêmn’t nga in ra Ndil-Kêmnda’t.

Matthieu 10:23

Loo ke d’a d’ɔr sei kororoi kêm ɓee-bò ke nè’t ɓaa, an-in awi kêm ɓee-bò karé ke rang’t. Kerɔte kuwe, man m’ede sei ndàt, sei a kɔri son ɓee-bòge le ɓeekon ke Israel lé ɓai kuwe bainléa Ngonn doo à tel ree’n.

Matthieu 2:12

Nube ede de se nin le kade dé tel ree ra Hérode’t gugu lé. E á d’unn rebe ke rang dé tel d’aw ɓeekon’t le de.

Matthieu 2:14

Joseph ɔse nang in ke loon’t nè, unn ngonn ke kide nè nga se kon’n an-in se de ndɔɔ aw se de kêm ɓeekon ke Egypte.

Matthieu 2:16

Loo ke Hérode an titeke baw-nyangerge ulei mbe dènn’t ɓaa, wong ase’n nák. E ule ade dé tɔl ngannge ke dingem malang ke rai ɓal joo se njé ke ɓal de ase joo lé ɓai a tɔ. Se go kurloo ke baw-nyangerge ɔji Hérode nga, è ade d’unn gir tɔl ngannge ke dingem kêm ɓee ke Bethléhem sár d’ɔse’n ngei ninn ɓeekon le’n bere mbak.

Matthieu 2:22

Nè loo ke Joseph oo titeke Archélaus ngonn le Hérode on ɓee ɓeekon’t ke Judée gute bɔn’t ɓaa, è ɓel tel kaw ndi tutu. Se go tà ke Nube ede’n se ni kété nga, Joseph ɔr ra’n aw ndi kêm ɓeekon ke Galilée.

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 10:7

Loo ke doo ke danrán ke nda ɔje’n se’n tà ɔte aw ɓá ɓaa, ke loon’t nè kuwe, Corneille ɓar ngann njéndige le’n joo se njèrɔ karé ke ilei koje dè Nube’t. Dooge ke mute ke Corneille ɓar de le kule nga ei dann dooge ke rai kule girn’t mari sár tee ɓila.

Nyanra Njekawkulege 12:11

Loo ke kum Pierre gang dè rann’t ɓaa è tam ede: – Kerɔte kuwe, ɗarinè m’ger titeke Kuwe-ɓee kuwe ule doo le’n ke danrán ade ree ɔr’m wont ji Hérode’t. E ree ɔr’m dann nyan ke kos Juipge malang ndii nginei tchên nga a tɔ.

Nyanra Njekawkulege 12:7

An! doo ke danrán le Kuwe-ɓee unde loo tee pan ade loo ke kêm kei dangai’t ndogó kotong. Doo ke danrán nè nga unde kàde Pierre ɗe^-ɗe^ ndel’n ede nè: – In dɔ kalang. Ke loon’t nè kuwe, sulge ke dé tɔɔ’n ji’n jɔré nang yɔgrɔm.

Nyanra Njekawkulege 16:36

Njè ngonm tà kei dangai ree ede Paul tà nè nga ede nè: – Njékonɓeege ulei kade m’inye sei dɔ. I teei awi se kêmlom ɗarinè.

Nyanra Njekawkulege 5:19

Nè dann ndɔ ɓaa, Kuwe-ɓee ule doo le’n ke danran ade ree teen tàbit-kei dangai inye wei. E ade njékawkulege undei loo teei kêm kei dangai’t ɓaa, è ede de ede nè:

Nyanra Njekawkulege 7:19

Ngar nè nga sú kà jéige a, è ra kum de ndoo ngain a tɔ. E ra kà jéige ule ɓel kêm de’t ade tilei ngann dege ke kide kɔke ade weii.

Lookilera’n 12:14

D’ade dinye nè ndime bage kiro ke bò joo tede kade in nel’n bage tel aw’n dè dile loo ke ndɔ ke è ɓɔyɔ ra’n tutu nga. Dinye nè à ndi kem̂ dile’t ase ndɔ aru dɔg-gidé-joo se ndɔ kɔr-mute-mute kade d’ul’n heb tàkum li’t.

Lookilera’n 12:4

Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.

Lookilera’n 12:6

Dinye nè nga an-in ranm-ranm aw ɓɔyɔ ra’n kem̂ dile’t. Nube uwe dè nja loo kem̂ dile’t nè tede kade d’ul’n tutu ndɔ aru dɔg-gidé-joo se kɔr-mute-mute.