Matthieu 2:12 - Nouveau Testament en Gulay 2004

¹² Nube ede de se nin le kade dé tel ree ra Hérode’t gugu lé. E á d’unn rebe ke rang dé tel d’aw ɓeekon’t le de.

Matthieu 2:12 Iomraidhean Croise

Matthieu 1:20

Nè loo ke Joseph ndi à gir tà dè nyan’t nè nga bè ɓai ɓaa, an! doo ke danran ke Kuwe-ɓee ule’n tee dènn’t pan ede’n tà se nin ede nè: – Joseph, ngonn David, i ɓel le taa Marie ke neein lé, tede ngonn ke tò kêmn’t nga in ra Ndil-Kêmnda’t.

Matthieu 2:13

Loo ke baw-nyangerge ɔti awi ɓá ɓaa, an! doo ke danran le Kuwe-ɓee tee hɔi ke ra Joseph’t se ni ede’n ede nè: – Ɔse nang in, unn ngonn ke kide nè nga se kon’n an-in se de aw se de ɓeekon ke Egypte. I ndi tutu nú sár kade man kuwe m’edi ɓita i tel i ree ɓai tede Hérode sang le tɔl ngonn ke kide nè nga.

Matthieu 2:19

Loo ke Hérode wei ɓá ɓaa, doo ke danran le Kuwe-ɓee tee hɔi ke ra Joseph’t ede’n se ni kêm ɓeekon ke Egypte ede’n ede nè:

Matthieu 2:22

Nè loo ke Joseph oo titeke Archélaus ngonn le Hérode on ɓee ɓeekon’t ke Judée gute bɔn’t ɓaa, è ɓel tel kaw ndi tutu. Se go tà ke Nube ede’n se ni kété nga, Joseph ɔr ra’n aw ndi kêm ɓeekon ke Galilée.

Matthieu 27:19

Loo ke Pilate ndi nang dè ɗinger loo gangtà’t ɓaa, neen’n ule doo karé rann’t ede nè: – Ile tài tu tà’t le njè ra nyan se dè naje’n nè nga lé. Ndɔɔ laa m’nin se’n tò ɓel ngain.

Tà ke Maje ke Luc ndang 2:26

Nube ade Ndil-Kêmnda ede Siméon kété titeke ayé kwei lé sár kade an Kuwe-ɓee Krist ke Nube ule’n nga se kum’n ɓita.

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 4:19

Nè Pierre se Jean ilei de dè’t edi nè: – Ké kile koje dè tà’t le si sei á maje dum kile koje dè tà’t le Nube wa? Sei kuwe i giri maje an-in.

Nyanra Njekawkulege 5:29

Nè Pierre se njékawkulege madennge ilei de dè’t edi nè: – Gar-gar kile koje dè Nube’t è soo’t dum kile koje dè dooge’t.

1 Nje Ke Corinthe 3:19

Oiyo, kumkunju éké gos nyangerge ke dè nang nè nga ei nyan mbege tàkum Nube’t. Gir’n ke nè á Magtub ke tò se ninn’n tam’n ede nè: «Nube uwe njékumkunjuge dè ra gos’t le de.»

Hebreuge 11:7

Nyange ke ndɔn’t ayé teei ɓai nga, ndɔ ke Nube ribe dè de ede Noé kété ade oo takul kundekem̂. Noé ile koje dè tà ke Nube ede’n, è in ra bato ade njé ke kem̂ kei le’n awi kem̂é ajii. Ra ke Noé ra titeke bè nga è ile’n tà dè dooge ke dè nang nè. Taɓai, takul kundekem̂ á ndɔ ke Nube ɔr’n tà dè Noé’t ade tel ee’n njè ra nyan se dè naje’n.

Hebreuge 8:5

Kulege malang ke njékuje nyan-mesege rai se go gute-ndu adi Nube nga, ei til ngarankum nyange ke danrán. Gir’n ke nè á, loo ke ndɔ ke Moise ayé ra kei kubu kade Nube nga, Nube ede’n kété ede nè: «Ade kem̂i dè rai’t tede a i ra nyange malang le tɔl mbas se go rebe ke ndɔ ke m’tɔji dè mbal’t nga.»