Matthieu 2:11 - Nouveau Testament en Gulay 2004

¹¹ Loo ke d’aw kêm kei d’an ngonn ke kide nè se kon’n Marie ɓaa, d’ɔse keje de nang non ngonn ke kide’t nè nga dé ɗɔi’n a tɔ. Go’t gugu, dé tee se nar-ɔr se nyan ke ete sununn titeke katchatcha a, se nyan karé ke ri’n nè myrrhe kêm sanduge le de d’uwe’n se’n noje.

Matthieu 2:11 Iomraidhean Croise

Matthieu 1:18

Koje Jésu-Krist nga è titeke bè. Kon’n Marie nga, è njènong le Joseph. Marie ndann ngonn se go tɔgmong le Ndil-Kêmnda kété ɓita dé se Joseph dé ger nan ke dinye se dingem ɓai.

Matthieu 12:46

Loo ke Jésu ndi à ede kosdoo-bulege tà bè-bè ɓai ɓaa, an! kon’n se ngakonnge ke dingem reei ndai nata. Ei sangi le kedi nin tà.

Matthieu 14:33

Loo ke njé ke ndii kêm bato’t an-in bè ɓaa, ei ɗɔyi Jésu edi nè: – Kerɔte, i i Ngonn Nube nga kuwe.

Matthieu 2:10

Loo ke baw-nyangerge an-in kɔnyon nè nga ɓaa, kêm de agenan kɔt-kɔt.

Matthieu 2:2

Ei deji edi nè: – Ké ngar le Juipge ke d’oje’n ngɔr nè nga è loo ke ra’t wa? Tede jè j’an kɔnyon le’n loo tee’t le kade gugu nú á jè ree le ɗɔi’n.

Tà ke Maje ke Luc ndang 2:16

Njékul nyange ɔti kalang awi Bethléhem ɓaa ingei Marie se Joseph se ngonn ke kide.

Tà ke Maje ke Luc ndang 2:38

Loo ke Siméon ndi à tam tà ɔje’n dè ngonn nè nga ɓaa, Anne géa tee hɔi tɔ. E unn gir ra Nube oiyo tede tà le ngonn nè. Dooge malang ke ndii nginei ndɔ ke Nube à ɔr’n dooge ke Jérusalem dann kumndoo’t le de nga, Anne ede de tà ke ɔje dè ngonn ke kide nè nga.

Jean 19:39

Nicodème, ke ndɔ ke aw inge Jésu dann ndɔɔ nga géa ree tɔ. E ree se wubu ke ri’n nè myrrhe ke pɔti nan’t se wubu ke ri’n nè aloès ase kilo kɔr-mute-gidé-joo jinn’t.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.

Lookilera’n 5:8

Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.