Matthieu 19:6 - Nouveau Testament en Gulay 2004

⁶ Titeke bè, ei danra ke gai-gai joo lé ta, nè ei danra ke karé bere luk-luk. Dingem se neen’n ke Nube um de nan’t nga, maje kade doo kai de danné lé.

Matthieu 19:6 Iomraidhean Croise

Matthieu 19:5

Taɓai è tam ede nè: «Gir’n ke nè á dingem à inye bɔ’n se kon’n le kum nan’t bɔk se neen’n. Ei joo mbak à teli k’eei danra ke karé bere luk-luk ta.»

Matthieu 19:7

Pharisienge teli deji Jésu edi nè: – A ɓaa, ké bain á ndɔ ke Moise unn ndu’n le kade loo ke dingem à mbate neen’n ɓaa, maje kade ade’n magtub tin nan jinn’t kété ɓita mbate’n ɓai wa?

Marc 10:9

Titeke bè á d’a k’ee dooge ke gai-gai joo lé ta, nè d’a tel tò titeke kété d’ee’n doo ke karé bere luk-luk bè. Dooge ke Nube um de nan’t bɔk se go rebe taa nan nga, maje kade doo ade mbati nan lé.

Nje Ke Rome 7:2

E titeke bè se dinye ke taa ngaw. Loo ke ngaw’n ndi kumgajer ɓai nga, gute-ndu tɔ de nan’t se ngaw’n. Nè loo ke ngaw’n wei ɓá ɓaa, è ndi dè’n pal m gute-ndu tɔ’n nan’t se ngaw’n lé ta.

Nje Ke Ephese 5:28

Sei ngaw dinyege i tári neen sige titeke i tári danra si sei kuwe bè tɔ. Doo ke tár neen’n ɓaa, tár danra’n è kuwe.

Hebreuge 13:4

Maje kade dooge malang ilei koje dè taa nan’t. Maje kade dingem se dinye adi taa nan le de unju nyang-nyang. Kerɔte kuwe, Nube à gangtà dè dooge ke njé tò se nan ke kaiya’t a, à gangtà dè njé tò se dinye le dooge a tɔ.