Matthieu 19:28 - Nouveau Testament en Gulay 2004

²⁸ Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 19:28 Iomraidhean Croise

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 19:27

Pierre tel ree dè tà’t nè ɓai ede nè: – An! jè nga géa j’ube nyange le jé malang j’inye, j’unn rebe gooi’t. Ké le jé à è bain tɔ wa?

Matthieu 20:21

Jésu deje kon ngannge nè nga ede nè: – Ké ri á i ndige wa? E tel ile Jésu dè’t ede nè: – Ngann’m ke joo nè nga, unn ndui ade njé ke karé ndi dè jikoin’t a, ade è ke karé ndi dè jigeli’t a tɔ kêm ɓeekon’t lei.

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 6:33

Nè i sangi Konɓee le Nube a, se nyan ke se dè naje’n ɓita Nube à ade sei gute nyange malang ke awi ndoo de.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Marc 10:37

Jacques se Jean teli edi Jésu edi nè: – Inye loo ade jé le kade doo karé ndi dè jikoin’t a, doo karé ndi dè jigeli’t a tɔ, ndɔ ndubra’t lei.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.

2 Pierre 3:13

Nè jè ndii jè nginei danran ke kige se nang ke kige se go ndukunn ke Nube unn ade jèi nga. Danran ke kige se nang ke kige nga, nyanra ke se dè naje’n à on ɓee tutu.

Lookilera’n 11:16

Ngatɔgege ke kɔr-joo-gidé-sɔ ke ndii kutu-ngar’t le de non Nube’t nga ɔsi keje de nang nonn’t,

Lookilera’n 12:1

Go’t gugu, nyantɔje ke bò unde loo tee kàde danran’t. Dinye karé ule kàde rann’t tite kubu bè. E ube nan gir njann’t a, ule jɔkɔ kɔnyonge dɔg-gidé-joo dènn’t a tɔ.

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 21:5

E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 22:2

Mann ba nè ule dann ndá-loo ke kem̂ ɓee-bò’t nè nga. Kage karé ke d’use dé ndii’n kumgajer nda dè kong ba’t ke nú’t a, ke nè’t a tɔ. Kage nè nga ann nja dɔg-gidé-joo kem̂ ɓal karé, nan karé ɓaa ann nja karé tɔ. Mbi kage nè nga è kuge kɔr ratur ra girkoje kosdooge se dè ɓee-dè ɓee.

Lookilera’n 22:5

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.

Lookilera’n 7:4

D’ede’m kɔr dooge ke ei girkoje le Israel ke dé tɔse nyankorji nat-non de’t malang d’ade m’oo. Ei aru dɔg loo aru se kɔr-sɔ-gidé-sɔ.