Matthieu 19:27 - Nouveau Testament en Gulay 2004

²⁷ Pierre tel ree dè tà’t nè ɓai ede nè: – An! jè nga géa j’ube nyange le jé malang j’inye, j’unn rebe gooi’t. Ké le jé à è bain tɔ wa?

Matthieu 19:27 Iomraidhean Croise

Matthieu 19:26

Jésu tel an de gerer ɓaa, è ede de ede nè: – Nyan malang ke dooge asikum rai lé nga, Nube asekum ra.

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 9:9

Loo ke Jésu in loon’t nè à dese ɓaa, è an dingem karé ndi kêm kei taa tirge’t. Dingem nè nga ri’n nè Matthieu. Jésu ɓar’n ede’n ede nè: – Unn rebe goom’t. Ke loon’t nè kuwe, è ɔse nang in unn rebe go Jésu’t.

Marc 10:28

Pierre unn gir kede Jésu tà ede nè: – An! jè j’inye go nyankinge le jé malang kɔke, j’unn rebe gooi’t ɗarinè.

Marc 2:14

Loo ke Jésu à dere le kaw ɓaa, è an Lévi ngonn Alphée ndi tà kei taa tirge’t. E ede’n ede nè: – Unn rebe goom’t. Lévi ɔse nang in, unn rebe go Jésu’t.

Tà ke Maje ke Luc ndang 14:33

Jésu tɔl ngang tà nè nga ede nè: – Sei géa è titeke bè tɔ. Ke nè á doo karé dann si’t inye go nyankingege le’n lé ɓaa, è asekum k’ee njèkunn dè nja’m têr-têr lé.

Tà ke Maje ke Luc ndang 15:29

Nè è ede bɔ’n ede nè: «Bɔ’m, an! ɓal bule ngain ke m’ra kule m’adi tite ɓer bè. Ndɔ karé bè m’al tà tài’t lé. Nè ndɔ karé bè géa ade’m ngonn-binye ke ɔje dè’m kade m’tɔl m’ade j’use se basa mademge jè ra’n ranel lé.

Tà ke Maje ke Luc ndang 18:28

Pierre unn tà deje Jésu ede nè: – An! jè nga, j’inye nyankinge jé malang j’unn rebe gooi’t, ké ndɔn’t le jé à è ri wa?

Tà ke Maje ke Luc ndang 5:11

Loo ke Simon se njékɔse kanje madennge teli se batoge le de reei tɔi nang tà ba’t gugu ɓaa, turi gide de adi nyankingege le de malang, unni rebe go Jésu’t.

1 Nje Ke Corinthe 1:29

Nube ra titeke bè le kade doo karé bè tii’n ra’n ede nè: nè kuwe n’ger Nube se dè ra’n lé.

1 Nje Ke Corinthe 4:7

Ké nan adi i tò gai dann madige’t wa? Ké ri á i kuwe inge se dè rai nal kade Nube kuwe á adi wa? Ke nè á nyan malang ke inge nga è Nube kuwe á adi ɓaa, ké tede ri á unde’n kàdi titeke è i kuwe á inge se dè rai bè wa?

Nje Ke Philippes 3:8

Taɓai, man m’an nyange nè malang ke nyange ke tuji tede ger ke m’ger gel Jésu-Krist, Kuwe-ɓee le’m. Ger gel Jésu-Krist Kuwe-ɓee le’m nga è nyankinge ke dum dè nyange malang. E tede tà le’n á m’inye’n go nyange malang ke kété m’an de ke nyankinge’m man kuwe deri nga. M’an nyange malang tooi asinan se nyange ke doo saa um dè ɓirɓite’t tede kade m’inge’n Krist,