Matthieu 19:21 - Nouveau Testament en Gulay 2004

²¹ Jésu ede dingem nè nga ede nè: – Ke nè á i ndige le k’ee doo ke maje ɔr njêt ɓaa, aw ige nyanbawge lei malang inye nar’n i kai njéndooge ɓaa a inge nyanbaw ra Nube’t danrán nú. Aw i ra nyange nè pa ɓita i tel ree unn rebe goom’t ɓai.

Matthieu 19:21 Iomraidhean Croise

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Matthieu 19:20

Basa doo nè nga ede Jésu ede nè: – Nyange nè nga malang m’an dè sêw-sêw ɓá, ké ri á nain kade m’ra taɓai wa?

Matthieu 19:22

Nè loo ke basa doo nè nga oo tà nè nga bè ɓaa, kêm’n nel’n lé ade ɔte se wong biring aw tede nyankinge’n è ngain.

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 4:19

E ede de ede nè: – Unni rebe goom’t ɗarinè, m’a tel sei ke njé ndon dooge ta.

Matthieu 5:48

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Matthieu 8:22

Jésu tel ile njèkuwe-gir’n nè nga dè’t ede nè: – Unn goo’m, inye njé ke weii ade ei kuwe dubi nan.

Matthieu 9:9

Loo ke Jésu in loon’t nè à dese ɓaa, è an dingem karé ndi kêm kei taa tirge’t. Dingem nè nga ri’n nè Matthieu. Jésu ɓar’n ede’n ede nè: – Unn rebe goom’t. Ke loon’t nè kuwe, è ɔse nang in unn rebe go Jésu’t.

Marc 10:21

Jésu an basa nè nga gerer, tede è tár’n ngain. Jésu ede’n ede nè: – Nain nyan karé kade i ra ɓai. Aw, ige nyankingeige malang, i kai nar’n njéndooge ɓaa, a inge nyanbaw danrán. I ra nyange nè malang pa ɓita i ree unn rebe goom’t ɓai.

Marc 2:14

Loo ke Jésu à dere le kaw ɓaa, è an Lévi ngonn Alphée ndi tà kei taa tirge’t. E ede’n ede nè: – Unn rebe goom’t. Lévi ɔse nang in, unn rebe go Jésu’t.

Marc 8:34

Taɓai è ɓar doobulege se njékuwe-girnge ke rann’t ede de ede nè: – Ke nè á doo karé ndige le k’ee njèkuwe-gir’m ɓaa, maje kade inye go tàgir ke ɔje dè ra’n kɔke a, maje kade unn kage-ke-dese le’n ndolè’n goo’m a tɔ.

Tà ke Maje ke Luc ndang 12:33

Igi nyankingege le si, inyei nar’n uwei noje se njéndooge. Uri mbu narge ke à ndis lé. I kebi nyanbawge ke à tò sár se non danrán. E loo ke njéɓog-ge à teei tutu lé a, gide à unde nyan tutu tuju’n lé a tɔ.

Tà ke Maje ke Luc ndang 14:33

Jésu tɔl ngang tà nè nga ede nè: – Sei géa è titeke bè tɔ. Ke nè á doo karé dann si’t inye go nyankingege le’n lé ɓaa, è asekum k’ee njèkunn dè nja’m têr-têr lé.

Tà ke Maje ke Luc ndang 16:9

Jésu tel ede de ede nè: – Man m’ede sei, nar ke get lé ke tò ji si’t nga uwei made nan se dooge. Titeke bè á loo ke gir nar nè à gang ɗás ji si’t ɓaa, Nube à uwe sei ke rann’t loo ndi ke à tò se non.

Tà ke Maje ke Luc ndang 18:22

Loo ke Jésu oo tà le doo nè bè ɓaa, è ede’n ede nè: – Nyan karé nain kade i ra ɓai. Aw ige nyange lei mbak inye nar’n i nobo njéndooge ɓaa, i a kinge nyanbaw ra Nube’t nú ɓai. Aw i ra nyange nè pa ɓita i tel i ree unn rebe goom’t ɓai.

Tà ke Maje ke Luc ndang 5:27

Go’t gugu Jésu unde loo tee. E an dingem karé ke njètaa tir ke dé ɓar’n Lévi ndi nanga loo taa tir’t. Jésu ede’n ede nè: – Unn rebe goom’t.

Tà ke Maje ke Luc ndang 6:40

Njèndó nyan à ger nyan dum njèndóo’n nyan lé, nè loo ke tɔl ngang nyan ndó le’n mbas ɓita à è tite njèndóo’n nyan ɓai.

Tà ke Maje ke Luc ndang 9:23

Go’t gugu, Jésu ede dooge malang ke ndai rann’t ede nè: – Ke nè á doo karé ndige kunn dè nja’m têr-têr ɓaa, maje kade an ra’n ke nyan lé a, maje kade uwe dè nja ra’n le kwei tite man m’ra’n bè, ɓita unn rebe goom’t se ndɔge malang ɓai.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Nyanra Njekawkulege 2:45

D’ige looge le de se nyan-majege le de ɓaa, dé kaiya nan nar’n se go nyange ke d’aw ndoo’n.

Hebreuge 10:34

Sei an-in kumndoo le dangaige. Loo ke dooge ɔyi nyankinge sige géa, sei rai ranel tede sei geri mbak titeke nyankinge le si ke maje dum ke doo à taa ji si’t lé tò ra Nube’t non ɓai.