Matthieu 18:7 - Nouveau Testament en Gulay 2004

⁷ Sei dooge ke njé tel jig tuge nja madesige kade osoi dann kaiya’t nga, a an-in ɓai! Gar-gar nyange ke à tugei dooge jig’t kade osoi dann kaiya’t à tooi dè nang nè. Nè doo ke njè kunde gir nyange nè nga, à an ɓai!

Matthieu 18:7 Iomraidhean Croise

Matthieu 16:23

Nè Jésu tel mer Pierre ede’n ede nè: – Njèban, ɔte tam’t kɔke. I tel i jig ke le tuge’m kile’m dann kaiya’t, tede tàgir lei in ra Nube’t lé, nè in ra dooge’t.

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Marc 13:7

Loo ke ooi tà rɔ éké ser rɔ ke ndɔn’t dooge à rɔi nan ɓaa, adi kàde si gete get-get lé. Gar-gar nyange nè à reei kerɔte, nè à è ngang’n lé ɓai.

Tà ke Maje ke Luc ndang 17:1

Jésu ede njékuwe-girnge ede nè: – Gar-gar dooge ke nange à teli k’ei jig le tuge nja made dege kile de dann kaiya’t kuwe. Nè doo ke tel ra’n ke jig le tuge nja madennge nga, à an ɓai!

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Nyanra Njekawkulege 1:16

– Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

1 Nje Ke Corinthe 11:19

Tà tin nan ke tò dann si’t nga, è nyan ke maje tede kade jè geri ngarankum ngann le Nube ke ndai njáng dè Tà ke Maje’t nga.

1 Timothee 6:1

Dooge malang ke ndii se kule ɓer kɔbe de’t ɓai nga, maje kade ilei koje ke deri dè kuwe dege’t se kem̂nda káng. Titeke bè á doo karé bè géa à nede’n ri Nube éké nyan ke jè ndó dooge nga lé a tɔ.

Tite 2:5

Maje kade kon-dinyege ndói njé ke nain-in mande loo kunde kumkunju dè ra de’t le kade ra de unju nyang-nyang, le kade geri loo kan-in go kem̂ kei le de, le kade ei dinyege ke maje ke geri rebe kulei dè de kadi ngaw dege. Titeke bè á doo karé bè géa à ile’n rasɔl dè ta’t le Nube nga lé.

Tite 2:8

I ndó de ngarankum tà ke maje unju nyang-nyang ke doo ase mbate lé. I ra bè le kade ra njé kɔse sei tàge sɔl’n de. Titeke bè á njé kɔse sei tàge à ingei tà ke majelé karé bè ke le kilei dè jéi’t lé.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.