Matthieu 18:5 - Nouveau Testament en Gulay 2004

⁵ Doo ke uwe ngonn karé ke dap tite njè ke nè ke rann’t se ri’m man ɓaa, è man kuwe á uwe’m ke rann’t non.

Matthieu 18:5 Iomraidhean Croise

Matthieu 18:4

Nanan ke ule dè’n tite ngonn ke dap nè ɓaa, è nè á à è doo ke à dum dè madennge kêm Konɓee ke danrán.

Matthieu 18:6

Nanan ke tel ra’n ke jig tuge nja ngonn karé dann njé ke undei kêm de dèm’t ade oso dann kaiya’t ɓaa, è soo’t le tɔ́ kuberi mbal ke bò kɔbenn’t ɓita kunn’n kile’n dunge ba-bò’t kade ndui mann wei kɔke.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 25:45

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke sei mbati rai se ngonn ke ndêin bè karé dann madennge’t nè nga ɓaa, è man kuwe á i rai se’m non tɔ.»

Matthieu 7:8

Nanan ke kɔ nyan ke aw ndoo’n ɓaa, d’a d’ade’n. Nanan ke sang nyan ke aw ndoo’n ɓaa, d’a d’ade’n. Nanan ke unde tàbit kei ɓaa, d’a d’ɔr kade’n a tɔ.

Marc 9:37

– Nanan ke uwe ngonn ke nain dap tite njè ke nè ke rann’t tede tà le’m ɓaa, è man kuwe á uwe’m ke rann’t non. Nanan ke uwe’m ke rann’t ɓaa, è man á uwe’m ke rann’t lé, nè è Nube ke njèkule’m kuwe á uwe’n ke rann’t non.

Marc 9:41

Nanan ke ade sei mann kain kêm kalmann karé tede k’ee ke sei le’m man Krist nga ɓaa, man m’ede sei ndàt, doo nè nga à inge nyan-kunde nja’n kuwe mbain.

Tà ke Maje ke Luc ndang 9:48

– Nanan ke uwe ngonn ke tite njè ke nè ke rann’t tede ri’m ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á uwe’n ke rann’t. Nanan ke tel ra’n ke ngonn ke ndêin bè dann si’t malang, è nè nga ndɔn’t à è doo ke bò dum sei malang.

Jean 13:20

Kerɔte kuwe, man m’ede sei ndàt, nanan ke uwe doo ke m’ule’n ke rann’t ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á è uwe’n ke rann’t non.

Nje Ke Galatie 4:14

Ratur ke ra’m nga è nyan ke nan sei. Sei an-in man ke nyan ke tò yêr tàkum si’t ade i tibi man yor lé a tɔ. Nè sei uwei man ke ra si’t tite doo ke Nube ule’n bè. Sei uwei man ke ra si’t titeke uwei Jésu-Krist kuwe ke ra si’t bè tɔ.