Matthieu 18:32 - Nouveau Testament en Gulay 2004

³² Loo ke kuwe de oo tà nè nga bè ɓaa, è ade dé ɓar ngonn njèndi le’n nga, ede’n ede nè: «I i ngonn njèndi ke majelé. Kété m’ɔr kure le’m dèi’t se girson’n bere tede i ndête’m ɓɔk-ɓɔk.

Matthieu 18:32 Iomraidhean Croise

Matthieu 18:27

Ngar an kumtondoo le ngonn njèndi nè nga. E ɔr kure le’n ke tò dènn’t nga, se girson’n bere mbak inye’n ade aw dè’n pal.

Matthieu 18:31

Loo ke ngann njéndi madennge an-in nyan ke è ra nè nga bè ɓaa, wong ase de nák ade awi ɔri ser nyan malang ke tee adi kuwe de oo.

Matthieu 18:33

Né riri géa, ké asekum kan kumtondoo le njèmade kule lei titeke ndɔ ke m’an’n kumtondoo lei nga lé tɔ wa?»

Matthieu 25:26

Kuwe’n tel ile’n dè’t ede nè: «I i ngonn njèndi ke njèkêmyêr se njèdabe. Ke nè á i ger kété mari tite m’aw m’sa ko loo ke m’dubu nyan tutu lé a, kêm gar ke m’naje nyan tutu lé géa m’aw m’ɔi nyan tutu a tɔ ɓaa,

Tà ke Maje ke Luc ndang 19:22

Ngar tel ile ngonn njèndi nga dè’t ede nè: «I ngonn njèndi ke majelé, man m’gangtà dèi’t se go tà ke tee tài’t kuwe. I ger’m ke doo ke mann’n ate ngain ke ɔr nar loo ke è ɓɔyɔ nar tutu lé a, ke doo ke uje ko loo ke è dubu ko tutu lé a tɔ.

Nje Ke Rome 3:19

Tàge malang ke gute-ndu tam nga, jè ger titeke è tam ɔje’n dè njé ke ndii gir gute-ndu’t. Doo karé à teen tà’n le tam’n tà dè rann’t lé. Dooge malang ke dè nang nè nga, tà uwe dè de non Nube’t.

Jacques 2:13

Doo ke an kumndoo le madennge lé ɓaa, ndɔn’t Nube à unn kum’n mbeng le gangtà dènn’t nal kan kumndoo le’n tɔ. Nè doo ke an kumndoo le madennge ɓaa, à nda loo gangtà’t se kem̂ ɓel ndan lé.