Matthieu 18:31 - Nouveau Testament en Gulay 2004

³¹ Loo ke ngann njéndi madennge an-in nyan ke è ra nè nga bè ɓaa, wong ase de nák ade awi ɔri ser nyan malang ke tee adi kuwe de oo.

Matthieu 18:31 Iomraidhean Croise

Matthieu 14:9

Tà ige ngar Hérode sêl ade tel ndi tikn. Nè tede mann ke è mann ra’n tàkum dooge ke è ɓar de nga, è unn ndu’n le kade d’ade dè Jean ke njèkule dooge manné njonm ngomande nè nga.

Matthieu 18:28

Loo ke ngonn njèndi nè unde loo tee nata ɓaa, è dar njèmade kule le’n karé ke kure le’n tò dènn’t asekum nar kule ke ndɔ aru karé deĵ. E oso kɔbenn’t uwe’n ade kum’n nda ngengeng. E ede’n ede nè: «Gar-gar, uge’m kure le’m ke tò dèi’t nga ɗarinè kuwe.»

Matthieu 18:30

Nè ngonn njèndi nè nga mbate njing, taɓai aw se made’n nè ade d’ile’n dangai’t sár kade uge’n kure le’n ke tò dènn’t nga ɓita.

Matthieu 18:32

Loo ke kuwe de oo tà nè nga bè ɓaa, è ade dé ɓar ngonn njèndi le’n nga, ede’n ede nè: «I i ngonn njèndi ke majelé. Kété m’ɔr kure le’m dèi’t se girson’n bere tede i ndête’m ɓɔk-ɓɔk.

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Tà ke Maje ke Luc ndang 14:21

Ngonn njèndi nè nga tel ree ra kuwen’t ɔr go tàge nè malang ade’n. Loo ke kuwe’n oo tàge nè nga bè ɓaa, kêm’n aw biriri-biriri ade ede ngonn njèndi le’n nè nga ede nè: «I tel aw law-law ndá-looge’t i ree se njéndooge se njé ke kêl ra de wei tonrin a, njédɔgemetege a, njékumtɔge a tɔ.»

Tà ke Maje ke Luc ndang 19:41

Loo ke Jésu an dè ɓee-bò ke Jérusalem ngɔr ɓaa, è non se mann-non kumn’t tede nyan ke à tee dè dooge ke kêm ɓee’t nè nga.

Nje Ke Rome 12:15

I rai ranel se njé ke ndii à rai ranel; i non-in se njé ke ndii à non-in.

2 Nje Ke Corinthe 11:21

Tò’m rasɔl kade m’tam tà nè nga tede nyange ke kété j’ayé ra se si nga, j’ile dunn j’ade sɔl. Nè ke nè á doo karé bè unde kàde’n dè nyan karé’t ɓaa, man géa m’a m’unde kàde’m tɔ. M’tam tà nè asenan se mbe doo éké njèbile.

Hebreuge 13:17

Ilei koje dè njékɔr non sige’t a, ulei dè si adi de a tɔ. Dé nè nga, dé tɔse kum de dè ngarankum ra si’t se ndɔge malang. E dé nè á ndɔ ke rang d’a d’ɔrgir tà ke ɔje dè ngarankum ra si kade Nube. Ilei koje a, ulei dè si adi de titeke bè le kade dé ra’n kule nè nga se ranel anje ɓar tà. Ke nè á dé ɓar tà ɓaa, ayé maje dè si’t lé.

Hebreuge 13:3

Adi kem̂ si olé dè njé ke tooi dangai’t titeke sei géa, sei dangaige se de nan’t bè tɔ. Adi kem̂ si olé dè njé ke dé ra kum de ndoo tite sei géa, sei danra ke karé se de nan’t a tɔ.