Matthieu 18:3 - Nouveau Testament en Gulay 2004

³ – Kerɔte kuwe, man m’ede sei ndàt, ke nè á i turi hal si, i teli i tooi asinan se ngannge ke dap-dap lé ɓaa, a ulei dè si kêm Konɓee ke danrán ndan lé.

Matthieu 18:3 Iomraidhean Croise

Matthieu 13:15

Oiyo, dè ɓengre kosdooge nè nga nder ɗàk-ɗàk. Dé njé kunn mbi de dè tàge’t nga, d’utu kum de nám-nám nè bainléa n’a kan-in loo, dé tɔse mbi de ká-ká dé tɔ nè bainléa n’a kooi tà. D’ade ɓengre de nder ɗàk-ɗàk, nè bainléa n’a geri tà nè nga kade n’ɔsi wan n’teli ke ram’t le kade m’aje’n dé.» Tà nè nga aw loon’t deĵ.

Matthieu 18:2

Jésu ɓar ngonn ke dap bè unde’n dann de’t ede nè:

Matthieu 18:4

Nanan ke ule dè’n tite ngonn ke dap nè ɓaa, è nè á à è doo ke à dum dè madennge kêm Konɓee ke danrán.

Matthieu 19:14

Nè Jésu ede njékuwe-girnge ede nè: – Inyei ngannge adi reei ram’t m ɔgi de lé. Kerɔte kuwe, Konɓee ke danrán è tede le njé ke tooi asinan se ngannge nè nga bè.

Matthieu 19:23

Jésu tel ede njékuwe-girnge ede nè: – Kerɔte kuwe, man m’ede sei ndàt, le kade baw um nan’t bɔk se Nube nga è nyan ke loo’n tur ngain.

Matthieu 5:18

Kerɔte kuwe, man m’ede sei ndàt, nyange ke ndêin-ndêin ke dé ndang kêm magtub gute-ndu ke mari’t nga, karé bè géa à goto lé sár kade danran se dè nang à gotoi pa ɓita.

Matthieu 5:20

Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Matthieu 6:2

Loo ke i unn nyan le kuwe’n noje ɓaa, ade d’ile ndil dèi’t titeke njékede gosge rai kêm kei kebe nange’t se ka-rebege tede kade dooge ilei riɓar dè de’t bè lé. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Matthieu 6:5

Loo ke a ɔji tà se Nube ɓaa, i rai titeke njékede gosge rai nga lé. Dé nga, dé ndige kɔje tà se Nube kade kum dooge an de njung kêm kei kebe nange’t a , se ngang rebege’t a tɔ. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Marc 4:12

Nyan nè nga tee titeke bè, Le kade d’an se kum de, nè d’an njai lé; le kade d’oo se mbi de, nè d’oo ke koo m dé ger gir’n njai lé. Ke nè á dé ger gir njai ɓaa, d’ayé tur hal de le kɔse wan tel ke ra Nube’t ɓaa, Nube ayé kade kêm’n tin mbit dè de’t.»

Tà ke Maje ke Luc ndang 13:24

Jésu tel ile’n dè’t ede nè: – I sangi loo le kaw se tàbit kei ke njon tede man m’ede sei ndàt, dooge ngain dann si’t à sangi rebe le kaw kêm Konɓee’t le Nube. Nè asikum kilei nja de tutu ndan lé.

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Jean 1:51

Jésu ede Nathanael se njé ke rang malang ede nè: – Kerɔte kuwe, man m’ede sei ndàt, unn gir’n ɗarinè kum danran à teen. Sei a kan-in dooge ke danrán le Nube à ali kawi dɔ a, à risi nang a tɔ tede rai nyan kadi man Ngonn doo.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 28:27

Kerɔte kuwe, ɓengre kosdooge nè nga nder ɗàk-ɗàk. Ade teli njé dum nange, Ei uti kum de, nè bainléa n’a kan-in loo se kum de; d’utu mbi de nè bainléa n’a kooi tà se mbi de; d’ade ɓengre nder nè bainléa n’a geri gir tà, le kɔsi wan teli ke ra’m man Nube’t kade m’aje’n de.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

1 Nje Ke Corinthe 14:20

Ngakonmge, i teli ngannge ɔje dè gangtà nga lé. I teli ngannge ɔje dè majelé nè maje kade sei dooge ke tɔge káng-káng ɔje dè gangtà.

1 Pierre 2:2

Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.