Matthieu 18:22 - Nouveau Testament en Gulay 2004

²² Jésu tel ile’n dè’t ede nè: – Man m’edi m’ede nè i a kade kêmi tin mbit dènn’t nja ji sejimute bere lé, nè sár nja kɔr-ji sejimute nja ji sejimute.

Matthieu 18:22 Iomraidhean Croise

Matthieu 18:23

Gir’n ke nè á, Konɓee ke danrán nga tò asenan se ngar karé bè ke ndige kade ngann njéndige le’n mbɔji go nyange le’n ke um ji de’t adi oo.

Marc 11:25

Dɔ-dɔ loo ke in-in i ndai dɔ le kɔji tà se Nube nga, ke nè á kêm si on sei dè doo karé’t ɓaa, inyei go nyanrage le’n ke se go rebe’n lé. Titeke bè á Bɔ si ke ndi danrán géa à inye go nyanrage le si ke se go rebe’n lé le si nga tɔ.

Nje Ke Rome 12:21

Ade majelé unn banga dèi’t lé. Nè unn banga dènn’t se go nyanra ke maje.

Nje Ke Ephese 4:26

Ke nè á wong ra sei ɓaa, an-in tá nè a kin-in rai majelé. Maje kade ebi’t ra wong pa ɓita adi kàde ur ɓai.

Nje Ke Ephese 4:31

Maje kade kumkil kororo se ndáng ra se wong se kɔl nan beng-beng se taje ndu se kem̂yêr ke rara bere mbak nga, i sanrin de dann si’t kɔke.

Nje Ke Colosses 3:13

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.

1 Timothee 2:8

M’lanm lé; è Nube kuwe ɔr’m unde’m ke njèkile mber le’n. Man m’ndige le kade dingemge ɔyi ji de ke unju nyang-nyang ke danrán ɔji tà se Nube se loo malang se kem̂nda káng anje ra wong se naje tà.