Matthieu 18:20 - Nouveau Testament en Gulay 2004

²⁰ Kerɔte kuwe, loo ke dooge joo éké mute kebi nan se ri’m ɓaa, m’ee dann de’t non.

Matthieu 18:20 Iomraidhean Croise

Matthieu 18:21

Pierre ree ra Jésu’t deje’n ede nè: – Kuwe-ɓee, ke nè á ngokon’m ra se’m majelé ɓaa, ké m’a m’ade kêm’m à tin mbit dènn’t nja kandang wa? Ké m’a m’ade kêm’m tin mbit dènn’t sár nja ji sejimute wa?

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Jean 20:19

Loo sɔlé kêm ndɔ ke njè kutu go ndɔ taa kebe, loo ke ndɔ il ɓá ɓaa, njékuwe-gir-Jésuge kebi nan kêm kei uti tà rebe dè de’t kák-kák tede ɓeli Juipge. Jésu tee hɔi, nda dann de’t ede de ede nè: – Maje kade kêmlom nain se si.

Jean 20:26

Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

1 Nje Ke Corinthe 5:4

I kebi nan se ri Kuwe-ɓee le jéi Jésu-Krist ɔri nan tà. Man géa tàgir le’m um se si nan’t bɔk loo kebe nan’t nè nga tɔ. Se go tɔgmong le Kuwe-ɓee,

1 Nje Ke Thessalonique 1:1

Man Paul se Silas se Timothée jè ndang magtub nè j’ade njékebe nange le Bɔ jéi Nube a, se le Kuwe-ɓee le jéi Jésu-Krist ke ndii kem̂ ɓee-bò ke Thessalonique. Maje kade kem̂-maje se kem̂lom nain se si.

Philemon 1:2

Magtub nè nga m’ndang m’ade kon nann jé Appia se ngokon jé Archippe ke njè made rɔ le jé a, se njékebe nange le Nube ke kebi nan kem̂ kei lei a tɔ.

Lookilera’n 2:1

Doo ke m’an’n nga, ede’m ede nè: «I ndang magtub ade doo ke danrán ke njèkan dè njékebe nange le Nube ke kem̂ ɓee-bò ke Ephèse. E ke njè kuwe kɔnyonge ke ji sejimute jikonn’t rige’n dadann lampege ke ra se nar-ɔr nga tam ede nè:

Lookilera’n 21:3

M’oo ndu doo ɓar beng se ke dè kutu-ngar’t ede nè: «An! kei kubu le Nube nga è dann dooge’t! Nube à ra ɓee se dooge a, d’a dé kosdooge le’n a tɔ. E Nube kuwe á nain se de a, à è Nube le de kuwe a tɔ.