Matthieu 18:17 - Nouveau Testament en Gulay 2004

¹⁷ Ke nè á è mbate koo tà le dooge nè nga ɓai ɓaa, aw ede tà’n njékebenange le Nube. Ke nè á njékebenange le Nube kuwe è mbate koo tà le de ɓai ɓaa, maje kade an’n tite doo ke ger Nube lé a, ke njètaa tir karè a tɔ.

Matthieu 18:17 Iomraidhean Croise

Matthieu 10:3

Philippe se Barthélemy, Thomas se Matthieu ke njètaa tirge, Jacques ngonn Alphée se Thadée.

Matthieu 11:19

Nè loo ke man ke m’ee Ngonn doo nga m’ree ɓaa, m’use nyan a, m’an-in nyan a tɔ ɓaa, dooge tami edi nè: «An-in! doo nyankuse se doo nyankain. E uwe made nan se njétaa tirge se njé ra majelége.» Nè loo ke doo an nyange ke Nube ra se kumkunju le’n ke deri nè ɓaa, à ger titeke Nube ndige kaje jèi kuwe.

Matthieu 5:46

Ke nè á i tári njé ke tári sei tá ɓaa, ké nyan-kuge dè ji ke ra a ingei wa? Ké njétaa tirge kuwe géa dé ra titeke bè tɔ lé wa?

Matthieu 6:7

Loo ke a ɔji tà se Nube ɓaa, i tami tàge dè nan’t-dè nan’t titeke dooge ke geri Nube lé rai nga lé. Ei giri titeke tàge ke n’ei n’tami ke dè nan’t-dè nan’t á Nube à ade’n de nyan ke n’deji nin nga.

Tà ke Maje ke Luc ndang 15:1

Ndɔ karé bè, njétaa tirge se njé ke d’an de ke dooge ke majelé reei ra Jésu’t le koo tàge ke à ndó de.

Tà ke Maje ke Luc ndang 18:11

Pharisien nè nga ɔse nang in nda dɔ mbeng, ɔje tà se Nube kêmn’t ede nè: «Hei! Nube, m’rai oiyo tede man m’ee tite gute dooge ke ei njéɓog-ge a, njéra nyan danné sêwge lé se njésang dinyege le made dege lé a tɔ. M’rai oiyo tede man tite njètaa tir ke nda nè nga lé a tɔ.

1 Nje Ke Corinthe 5:9

Kêm magtub ke m’ndang made sei kété nga, m’ede sei kade utei ra si mbeng ra njé tò se nan ke kaiya’t.

1 Nje Ke Corinthe 6:1

Loo ke doo karé dann si’t aw se tà se njètaakêm-Krist ke karé ke rang ɓaa, ké bain á è ndige kaw sêke’n non njégangtàge ke geri Nube lé tá wa? Ké i rai bè tede ri wa? Ké bain awi se nan non njékêmndage’t lé wa?

2 Nje Ke Thessalonique 3:6

Ngakon jége, j’unn ndu jé j’ade sei se ri Kuwe le jéi Jésu-Krist: Utei ra si mbeng ra njètaakem̂-Kristge ke rai dabe a, ke mbati kumi kem̂ de dè nyan-ndó ke ndɔ jè ndó de’t nga lé.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.