Matthieu 18:11 - Nouveau Testament en Gulay 2004

¹¹ Man ke m’ee Ngonn doo nga, m’ ree le tel se njé ke kété ndemi osoi kɔke ke ra Nube’t.

Matthieu 18:11 Iomraidhean Croise

Matthieu 10:6

Nè è soo’t kade awi kum si ke ra batege ke kêm ɓeekon ke Israel nga kété ɓita.

Matthieu 15:24

Jésu tel ile de dè’t ede nè: – Man nga Nube ule’m ɔje dè batege ke kêm ɓeekon ke Israel ke ndemi kuwe karé bere.

Matthieu 18:12

Ké tà ri á sei giri dè tà’t nè nga wa? Doo karé aw se kon batege aru karé. Kon bate ke karé ndem dann madege’t. Ké doo nè nga à inye njé ke kɔr-jisɔ-jimi-gidé-jisɔ-jimi nè dè mbal’t le kaw sang kon bate ke ndem nga lé wa?

Matthieu 9:12

Nè loo ke Jésu oo tà nè bè ɓaa, è tam ede nè: – Njé ke ra de mong maj-maj nga awi ndoo njèkuge-kaje lé. Nè è njératurge á awi ndoo’n.

Tà ke Maje ke Luc ndang 15:24

An-in! ngonn’m ke nda nè nga, man m’an’n ke doo ke wei ɓá nè tel tɔse ndel. Ma m’an’n ke doo ke ndem oso kɔke nè m’tel m’inge’n ɓai.» Ke loon’t nè kuwe d’unn gir kal ra de.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Tà ke Maje ke Luc ndang 9:56

Dé d’ɔte d’aw kêm ngonn ɓee karé ke rang.

Jean 10:10

Njèɓog nga ree tede ɓoge batege a, tɔl de a, le tuju de a tɔ. Nè man ɓaa, m’ree le kade dooge se batege ndii kumgajer adi ase de nák-nák.

Jean 12:47

Ke nè á doo karé oo tàge le’m á an go sêw-sêw lé ɓaa, è man á m’a m’gangtà dènn’t lé. Man ɓaa, m’ree tede gangtà dè dooge ke dè nang nè lé, nè tede kaje de.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.