Matthieu 18:10 - Nouveau Testament en Gulay 2004

¹⁰ An-in! tá nè a kin-in nedi ngonn karé bè dann madennge’t nè. Man m’ede sei titeke dooge le de ke danrán ndai tàkum Baa ke ndi danrán ndêrm se ndɔ karé-karé malang tede tà le de.

Matthieu 18:10 Iomraidhean Croise

Matthieu 1:20

Nè loo ke Joseph ndi à gir tà dè nyan’t nè nga bè ɓai ɓaa, an! doo ke danran ke Kuwe-ɓee ule’n tee dènn’t pan ede’n tà se nin ede nè: – Joseph, ngonn David, i ɓel le taa Marie ke neein lé, tede ngonn ke tò kêmn’t nga in ra Ndil-Kêmnda’t.

Matthieu 12:20

Tuwe mann ke gudu ngoin-ngoin nga à uwe’n tête’n danné lé, tà kubu ke à su sa ɓai nga, è à tɔl’n lé sár kade ade nyanra ke se dè naje’n unn’n banga.

Matthieu 18:14

E titeke bè tàkum Nube Bɔ si ke ndi danrán. E ndige kade ngonn karé bè dann madennge’t nè nga ndem oso kɔke lé.

Matthieu 18:6

Nanan ke tel ra’n ke jig tuge nja ngonn karé dann njé ke undei kêm de dèm’t ade oso dann kaiya’t ɓaa, è soo’t le tɔ́ kuberi mbal ke bò kɔbenn’t ɓita kunn’n kile’n dunge ba-bò’t kade ndui mann wei kɔke.

Matthieu 2:13

Loo ke baw-nyangerge ɔti awi ɓá ɓaa, an! doo ke danran le Kuwe-ɓee tee hɔi ke ra Joseph’t se ni ede’n ede nè: – Ɔse nang in, unn ngonn ke kide nè nga se kon’n an-in se de aw se de ɓeekon ke Egypte. I ndi tutu nú sár kade man kuwe m’edi ɓita i tel i ree ɓai tede Hérode sang le tɔl ngonn ke kide nè nga.

Matthieu 2:19

Loo ke Hérode wei ɓá ɓaa, doo ke danran le Kuwe-ɓee tee hɔi ke ra Joseph’t ede’n se ni kêm ɓeekon ke Egypte ede’n ede nè:

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Tà ke Maje ke Luc ndang 1:19

Doo ke danrán ke Kuwe-ɓee ule’n nga tel ile Zacharie dè’t ede nè: – Man m’ee Gabriel ke njè nda non Nube’t se ndɔge-ndɔge. E Nube kuwe á ule’m rai’t le kade m’ɔje sei tà a, le kade m’ile mber Tà ke Maje nè nga m’adi a tɔ.

Tà ke Maje ke Luc ndang 10:16

Jésu tel ede njékuwe-girnge ede nè: – Nanan ke ur mbi’n oo’n tà le si ɓaa, è man kuwe á ur mbi’n oo’n tà le’m. Doo ke rara ke ute sei mbeng ɓaa, è man kuwe á ute’m mbeng. Ke nè á doo ute’m man mbeng ɓaa, è njèkule’m á ute’n mbeng m è man lé.

Tà ke Maje ke Luc ndang 16:22

Go’t gugu ɓaa, Lazare ke njèndoo nga wei. Njékulege le Nube ɔri non’n awi se’n danrán undeii kɔte Abraham’t. Doo ke è baw nè nga géa wei tɔ. Dooge unni ninn’n awi dubi.

Nyanra Njekawkulege 10:3

Ndɔ karé bè, ase kàde mute ke loo sɔlé, nyan pinde’n. Doo ke danran ke Nube ule’n aw goon’t kei ade an’n njai-njai. Doo ke danran le Nube nga ɓar Corneille ede nè: – Corneille!

Nyanra Njekawkulege 12:15

Dé tam se Rhodée d’ede nè: – Ké bile rai wa? Nè è tel tam ede nè: – E danra Pierre kuwe. Njétaakêm-Kristge malang tami edi nè: – Bè ɓaa è doo ke danrán ke njèngonm’n.

Nyanra Njekawkulege 12:23

Ke loon’t nè kuwe, doo ke danrán ke Kuwe-ɓee ule’n dar ngar Hérode dikew tede è unn tà ra’n è kuwe nal kule ndubra dè Nube’t. Kêm’n oso kurge ɗɔk-ɗɔk ade oso’n sɔrɔk wei’n.

Nyanra Njekawkulege 27:23

Nube ke m’ɗɔi’n nga ule doo le’n ke danrán ade ree ram’t ndɔɔ laa ede’m ede nè:

Nyanra Njekawkulege 5:19

Nè dann ndɔ ɓaa, Kuwe-ɓee ule doo le’n ke danran ade ree teen tàbit-kei dangai inye wei. E ade njékawkulege undei loo teei kêm kei dangai’t ɓaa, è ede de ede nè:

Nje Ke Rome 14:10

Nè i, ké bain á i gangtà dè ngokoin’t wa? Ké bain á i an ngokoin ke nyan lé wa? Kerɔte kuwe, jèi karé-karé malang j’à ndai non kutu-ngar gangtà’t le Nube.

Nje Ke Rome 14:21

Maje kum kuse dan éké kain yibe lé. Nyan ke rara ke ile ngokoin kage nga, maje kade ɔge rai dè’t.

Nje Ke Rome 15:1

Jèi ke kundekêm le jéi ɓeɓer ɓá nga, è tà le kade jè geti njé ke kundekêm le de ɓisir lé nga gar-gar. Ade jè sangi nyan ke ɔje dè ranel le jéi se kar jéi lé gar-gar.

1 Nje Ke Corinthe 11:22

Ké kei le si ke kade usei se an-in nyan tutu goto wa? Ké njékebe nange le Nube nga an-in de ke nyan lé kuwe sár wa? Ké i rai titeke bè tede kile’n rasɔl dè njé ke nyan le de goto nga wa? Ké i nginei kade m’ede sei m’ede nè ri wa? Ké è tà le kade m’pite sei dè nyan ra si’t nè nga gar-gar wa? Ḿ-m̀, m’a pite sei dè è ke nè’t ndan lé.

1 Nje Ke Corinthe 16:11

Maje kade doo karé dann si’t nede’n lé. I danni nin adi tel ree ra’m’t se kêmlom. Man a, se ngakonnge ke nè a tɔ, jè ndi jè ngine’n.

1 Nje Ke Corinthe 9:22

Ke nè á m’ee se njè ke kundekêm le de ɓeɓer lé ɓaa, m’tel ra’m ke doo ke kundekêm le’n ɓeɓer lé. M’ra titeke bè tede le kinge’n njé ke kundekêm le de ɓeɓer lé kade Krist. M’tel ra’m ke gàr dooge malang dè nyange’t malang tede le kaje’n njé ke nange kade Krist.

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 10:10

Dooge tami tchoo edi nè: «N’tam tàge ke tur-tur se tàge ke ngang ngain kêm magtub leyé ke n’ndang. Nè loo n’nda dann jéi’t se rayé ɓaa, n’ee njè tɔg goto a, doo asekum kan tà tamé ke nyan lé a tɔ.»

Nje Ke Galatie 6:1

Ngakonmge, ke nè á uwei doo karé dè ra nyan ke se go rebenn’t lé ɓaa, sei ke i njiyei se go Ndil-Kem̂nda ɓai nga, i gɔli nin ilei nin rebe ke danné se ndu noje. Sei géa, kem̂ si dè ra si’t nè bainléa a teli rai majelé se’n tɔ.

1 Nje Ke Thessalonique 4:8

Gir’n ke nè á doo ke ute tàge nè nga mbeng ɓaa, è dooge á ute de mbeng lé. Nè è Nube ke njè kade sei Ndil-Kem̂nda le’n kuwe á ute’n mbeng.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Hebreuge 9:24

Kei ke tò se ninn’n ke dooge rai nga è til ngarankum kei ke tò se ninn’n. E kei ke tò se ninn’n ke dooge rai nè á Krist aw kem̂é lé. Nè è kem̂ danran’t nú ra Nube’t á è ndi ra rebe tà le jéi ɗarinè.

Lookilera’n 8:2

Go’t gugu ɓaa, m’an dooge ke danrán ji sejimute ndai non Nube’t. D’ade de burunju ji sejimute ji de’t karé-karé.